Спорт
Официјално – трета генерација Малдини во Милан, Даниел потпиша до 2024.

Фудбалскиот клуб Милан и семејството Малдини не можат едни без други.
Даниел Малдини, 18-годишниот син на клупската легенда Паоло Малдини го потпиша својот прв професионален договор до 2024 година.
Даниел е третиот играч од тоа семејство што ќе го носи „црвено-црниот“ дрес.
Првиот беше неговиот дедо Чезаре, кој за Милан настапуваше од 1954 до 1966 година. Како играч освои со „росонерите“ 4 Скудета, а како капитен го подигна трофејот во Купот на европските прваци во 1963 година.
Паоло целата кариера ја помина на „Сан Сиро“, од 1084 до 2009 година. Освои 25 трофеи, од кои 7 Скудета, 5 трофеи во Лигата на шампионите и 3 Светски клупски првенства.
Сепак, и Чезаре и Паоло беа дефанзивци, а Даниел е офанзивен игра, обожува да игра на позиција полушпиц.
From father to son: #MilanPrimavera‘s Daniel Maldini has extended his contract with the club until 30 June 2024.
Questa mattina Daniel Maldini si è legato ai colori rossoneri fino al 30 giugno 2024. pic.twitter.com/tTf1AgrGei
— ACMilan Youth Sector (@acmilanyouth) November 12, 2019
17 – Daniel #Maldini (17 years e 286 days) is the youngest AC Milan’s outfield player to start a match in International Champions Cup. Dinasty. pic.twitter.com/QBc53YVkyv
— OptaPaolo (@OptaPaolo) July 24, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ништо од Димитриевски, Леванте го потпиша Мет Рајан

Голманот на фудбалската репрезентација на Македонија, Столе Димитриевски ги разгледува опциите да го смени клибот до крајот на преодниот рок. Валенсија, откако Георги Мамардашвили си замина во Ливерпул, на позајмица го донесе Хулен Агирезабала од Атлетик Билбао и тој е проектиран да биде прв голман.
Столе Димитриевски минатото лето пристигна во Валенсија како слободен играч, требаше да биде прв голман, бидејќи Георги Мамардашвили оствари трансфер во Ливерпул.
Сепак клубовите договорија грузискиот голман да остане на позајмица една сезона, поради што Димитриевски бранеше само на неколку натпревари.
Сега кога Мамардашвили замина, Валенсија, на барање на тренерот Карлос Корберан, на позајмица го донесе Хулен Агирезабала од Атлетик Билбао. По овој потег што го повелекова „лилјаците“ беше јасно дека Димитриевски ќе замине од „Местаља“.
Пред пет дена шпанските медиуми објавија дека Димитиревски е блиску до договор со Леванте, но по се изгледа трансферот нема да се случи.
Претпалднево, Леванте повтрдија дека потпишале договор со искусниот австралиски голман Мет Рајан (33). Тој потпиша како слободен агент (година плус година), откако му истече договорот со Ленс.
Шпанските медиуми, пред три недели, пишуваа дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez
Спорт
Евертон плати 40 милиони евра за Диблинг

Поранешниот фудбалер на Саутемптон, 19-годишниот Тајлер Диблинг, ќе ја продолжи кариерата во синиот дрес на Евертон.
Клубот од Ливерпул потпиша четиригодишен договор со талентираниот фудбалер, а „Светците“ ќе добијат 35 милиони фунти (околу 40,5 милиони евра) како обештетување, евентуално уште пет милиони во бонуси, што е вкупно 40 милиони фунти (околу 46 милиони евра).
Диблинг дебитираше за Саутемптон кога имаше само 17 години, а во Евертон ќе го носи дресот со број 20.
Диблинг е осмото засилување за тимот на Дејвид Мојес ова лето.
Пред него пристигнаа Џек Грилиш (позајмен од Манчестер сити), Карлос Алкараз (Фламенго), Тиерно Бери (Виљареал), Марк Траверс (Борнмут), Адам Азну (Баерн), Кирнан Дјусбери-Хол (Челзи) и Том Кинг (Вулверхемптон).
Во второто коло од Премиер лигата, Евертон за прв пат играше на новиот стадион „Хил Дикинсон“ и го победи Брајтон со 2:0.
Foto/ Everton FC
Спорт
16-годишно момче во 100-тата минута му донесе победа на Ливерпул – Кој е Рио Енгумоу?

Неверојатно драматичен натпревар на „Сент Џејмс Парк“, синоќа одиграа Њукасл и Ливерпул. „Црвените славеа со 3:2, во последниот натпревар од второто коло на Премиер лигата.
Со играч помалку и два гола негатива, Њукасл успеа да израмни во 88-та минута и реално, според сè што се случуваше на теренот, домашните не само што заслужија бод, тие заслужија да победат.
И кога изедначија, и покрај тоа што беа со играч помалку, тие напаѓаа за победа. На крајот едно невнимание и лошата поставка во одбраната, го искористи тинејџерот на Ливерпул, Рио Енгумоу.
Тој влезе во игра во шестата минута од судиското продолжение наместо Коди Гакпо и во 100-та минута му донесе победа на Ливерпул.
Тој стана најмладиот стрелец во историјата на клубот. И тоа на своето деби во Премиер лигата.
Рио Енгумоу има 16 години (за неколку дена, на 28 август, ќе го прослави својот 17-ти роденден).
Станува збор за поранешен ученик на Академијата на Челзи и младински репрезентативец на Англија по потекло од Нигерија. Англиските медиуми велат дека не можат да си простат на „Стемфорд Бриџ“ што дозволиле таков талент да го напушти клубот. Тој дојде во Ливерпул минатото лето, играше во младинската Лига на шампиони, но Арне Слот брзо го префрли да тренира со првиот тим.
Дебитираше за првиот тим на Ливерпул на 11 јануари 2025 година и стана најмладиот стартер во историјата на клубот во победата од 4:0 против Акрингтон Стенли во ФА Купот. Имаше точно 16 години и 135 дена.
Значи, за неколку дена ќе наполни само 17 години, а веќе покажува неверојатен талент и спортска дрскост. Англиските медиуми ја објавија неговата самоуверена изјава пред неколку месеци:
„Навистина верувам дека еден ден можам да ја освојам Златната топка. Сакам да станам фудбалска легенда и еден од најдобрите играчи на сите времиња“, рече Рио Енгумоа.
A star is born 🌟
Rio Ngumoha's dramatic winner for Liverpool made the wonderkid the fourth youngest goalscorer in Premier League history pic.twitter.com/MXJ4ZyVq8T
— Transfermarkt.co.uk (@TMuk_news) August 25, 2025