Свет
Рускиот хакер Бурков се соочува со затворска казна до 80 години
Рускиот хакер Алексеј Бурков може да се соочи со затворска казна до 80 години поради обвиненијата за измама и заговор за измама, изјави во вторникот во Министерството за правда на САД, пренесува ТАСС. Бурков беше екстрадиран во САД во понеделникот вечерта од Израел.
„Обвинението што беше отворено денес го товари Бурков за измама со трансакции, измама со пристап до уреди, измама со пристап до уреди, упади во компјутер, кражба на идентитет и перење пари“, се вели во соопштението.
Бурков може да се соочи со затворска казна до 80 години ако биде прогласен за виновен по сите обвиненија.
„Според судските документи, Бурков наводно имал веб-страница наречена ‘Карпенпланет’, која продавала броеви од платежни картички украдени преку упади во компјутери. Многу од картичките понудени за продажба им припаѓале на американски државјани. Украдените податоци за кредитни картички од повеќе од 150.000 платежни картички наводно биле продадени на страницата на Бурков и резултирале со штета од над 20 милиони американски долари во лажни набавки направени со кредитни картички во САД “, се вели во соопштението.
„Дополнително, Бурков наводно водел и друг интернет-форум за компјутерски криминал, кој служел како клуб само за поканети, во кој елитните компјутерски криминалци можеле да се сретнат и да објавуваат на сигурна локација, да планираат разни компјутерски криминали, да купуваат и продаваат украдени стоки и услуги, како што се лични информации за идентификување и злонамерни софтвер и други криминални услуги, како што се перење пари и уреди за хакерство“, се додава во соопштението.
Руската амбасада во САД вложи протестна нота до американскиот Стејт департмент поради екстрадицијата на Бурков од Израел.
Во вторникот рускиот специјален претседателски претставник за Блискиот Исток и Африка, Михаил Богданов, оствари средба со Јаков Ливен, заменикот на израелскиот амбасадор и изрази жалење поради одлуката на израелските власти за екстрадиција на рускиот државјанин во САД. Според Богданов, ваквите активности се спротивни на конструктивното партнерство меѓу Русија и Израел, што напредуваше изминатите години.
Бурков беше приведен за време на пасошка проверка по барање на Вашингтон додека се обидуваше да го напушти Израел во декември 2015 година. Москва претходно испрати барање за екстрадиција на Бурков. Неговиот случај го разгледа судот во Ерусалим зад затворени врати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Свет
Сторми Даниелс сведочи на судењето против Трамп
Поранешната порно-ѕвезда Сторми Даниелс сведочи во судот во Њујорк во кривичната постапка против поранешниот претседател на САД, Доналд Трамп.
На актерката (45), чие вистинско име е Стефани Клифорд, на крајот на претседателската кампања во 2016 година ѝ исплатиле 130.000 долари за да молчи за наводен сексуален однос со Доналд Трамп во 2006 година.
Станува збор за долгоочекуваната пресметка на поранешниот претседател на САД и порно-ѕвезда која тврди дека имале секс, јавија американските медиуми. Обвинителите велат дека Трамп ги прикрил информациите за исплата од 130.000 долари кои на Даниелс ѝ ги исплатил неговиот поранешен адвокат Мајкл Коен пред претседателските избори во 2016 година.
Коен претходно изјави дека Трамп му наредил да и плати на Даниелс за таа да не зборува за сексуалниот однос со Трамп од 2006 година.