Црна хроника
Еднo лице се загуши во пожар во Идризово

Едно лице се загушило во пожар што избувнал на кровна конструкција на зграда во населбата Колонија, во скопското село Идризово.
Пожарот избувнал утрово околу осум часот, изгорел еден стан, а мажот кој настрада во пожарот, се обидел да се сокрие од пламените јазици, во тоалетот, но се загушил. Според првичните полициски информации, лицето било на возраст од 60 години
Како што информираат од противпожарната служба во пожарот зафатени биле околу 100 метри квадратни.
Во гасењето на пожарот учествувале 18 пожарникари со седум противпожарни возила. Пожарот е локализиран, а причините за пожарот се уште не се познати и ќе утврдуваат по завршувањето на увидот. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.