Сопственик на фирма од Скопје е осомничен дека затаил данок во износ од 143.000 евра, соопшти во понеделникот финансиската полиција.

Во измамата учествувал и сметководител од фирмата „Мак консалтинг Сузана“ ДООЕЛ кој бил „мозокот’ на операцијата, а финансиската полиција против него пред неколку месеци веќе поднесе пријава за измама за данок на додадена вредност (ДДВ) со други фирми во негова сопственост со кои присвоил повеќе од 750.000 евра од неоснован поврат на ДДВ.Сопственикот на фирмата „Боки груп ДООЕЛ“ од Скопје со сметководителот употребиле фалсификувана ДДВ пријава во која прикажале невистинити податоци за влезниот промет, односно во истата евидентирани се фиктивни влезни фактури за наводно извршени набавки на стоки и услуги без да постои реален должничко доверителски однос и соодветна документација кај добавувачи кои наводно ги испоставиле овие фактури. Фалсификуваните фактури не се евидентирани во нивните сметководствени евиденции, ниту пак е извршено плаќање по истите, на кој начин пријавените ги измамиле односно ги довеле во заблуда службените лица на Управата за јавни приходи (УЈП) кои ја вршеле контролата кај даночниот обврзник. Како резултат на добро организираната измама, двајцата пријавени успеале противзаконски и неосновано да извршат поврат на ДДВ при што директно го оштетиле Буџетот на државата за износ од 143.000 евра.Против сопственикот е поднесена кривична пријава за измама“ и „фалсификување или уништување на деловни книги“, а на сметководителот пред неколку месеци му беше одреден притвор и му беше замрзнат целокупниот имот од страна на органите на прогонот./крај/мф/ффс