Регион
Неписмена чистачка од Србија и нејзиниот син како преведувачи на полицијата во Австрија заработиле 1,9 милион евра
Чистачка од Србија и нејзиниот невработен син заработиле над 1,9 милион евра работејќи хонорарно како преведувачи на австриската полиција, објавија тамошните медиуми. Мајката и синот неодамна беа процесуирани.
Бидејќи Виена со текот на времето бележи зголемување на криминалните дела извршени од луѓе од нашите предели, австриската полиција имала голем проблем со превод на снимени телефонски разговори и сослушувања, што честопати доведувало до недоразбирања и, подоцна, до ослободителна или поблага пресуда.
Тие морале брзо да договорат преведувач, па ја ангажирале Весна Д. (53), чистачка од Србија, затоа што ги разбирала и српскиот и ромскиот јазик.
Медиумите јавуваат дека Весна била неписмена, но од 2006 до 2016 година таа преведувала за полицијата. За период од 10 години, таа заработила 1.163.397 евра, што според извештаите на медиумите, е повеќе од просечниот приход на еден Австриец.
Поради зголемениот обем на работа, полицијата во 2010 година го ангажирала хонорарно и нејзиниот невработен син Драган Д. (36), кој заработил 740.176 евра за шест години.
Според информациите дадени на јавноста, Весна Д. и Драган Д. ѝ должеле 741 000 евра на државата, па минатата недела се нашле пред австрискиот суд. Судскиот процес против Весна бил одложен поради болест на обвинетиот, а нејзиниот син Драган по совет на неговиот адвокат се изјаснил за виновен и му била изречена казна затвор во траење од четири месеци и општествено корисна работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.