Регион
Французите објавија стрип „Добредојдовте на Косово“, го илустрираа и палењето на црквите
Во Франција е објавен стрипот „Добредојдовте на Косово“ со цел да се слушне гласот на српските жртви секаде на Запад, рече Арно Гујон, основачот на хуманитарната организација „Солидарност за Косово“, соопшти српската новинска агенција „Танјуг“.
Гујон на својот профил на „Инстаграм“ рече дека неговата организација го поддржала печатењето на стрипот што го следи животот на младиот Димитри, кој се враќа во Косово непосредно пред погромот над Србите во 2004 година.
„Оваа романсирана драма се базира на вистински настани и на француската публика ќе и’ ја покаже неодамнешната историја на Балканот од друг, помалку пристрасен агол. По книгите и списанијата, документарците и предавањата, ова е уште еден чекор напред, со цел гласот на српските жртви да се слушне насекаде на Западот“, напиша Гујон.
Тој истакна дека, веднаш по објавувањето, стрипот „Добредојдовте на Косово“ бил меѓу најпродаваните историски стрипови во Франција.
Гужон исто така објави фотографија на „Инстаграм“ на која држи стрип и му честита на тимот што работел на проектот, предводен од Никола Мирковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.