Економија
Анализа на Владата: „Економијата е посилна од било кога“
Тимот на вицепремиерот Анѓушев, заедно со министрите од економските ресори, изработија анализа, базирана на официјални податоци и статистики, информираат од Владата.
Анализата, како што се наведува во владиното соопштение, споредува три сетови од по 8 квартали, односно периодите од јули 2013 до јуни 2015, јули 2015 до јуни 2017 и од јули 2017 до јуни 2019 година.
„Фактите и бројките се непобитни, економијата е посилна од било кога“, заклучуваат од Владата.
Заклучоците од анализата, изнесени во владиното соопштение ги пренесуваме во целост.
„Бројот на нови работни места сега е многу поголем во споредба со периодот 2013 – 2017
Во периодот од јули 2013 – јуни 2015, во Северна Македонија се вработиле 21.111 лица.
Во периодот од јули 2015 – јуни 2017, во Северна Македонија се вработиле 40.314 лица.
Во периодот од јули 2017 – јуни 2019, во Северна Македонија се вработиле 54.391 лица.
Разликата помеѓу периодот 1 и периодот 3 е +158% зголемување на бројот на вработени лица.
Намалувањето на невработеноста е едно од првите прашања на кои Владата сериозно се посвети. Преку директните мерки на Министерството за труд и социјална политика и Агенцијата за вработување, и со мерките за поддршка на компаниите и привлекувањето на странските инвестиции, Владата успеа за 2 години да отвори повеќе од 54.000 нови работни места. Со помош на овие политики, Северна Македонија дојде до историски најниската стапка на невработеност од 17,4%.
Како Влада сметаме дека е најважно за сите млади од Северна Македонија е да им обезбедиме добро платена и квалитетна работа, која ќе ги привлече да останат дома. Токму затоа беа отворени многу нови можности за нив преку Агенцијата за млади и спорт и Фондот за иновации и технолошки развој (ФИТР).
Просечната плата порасна за 2.297 денари во овие две години, за разлика од растот од само 821 денари во времето на претходната Влада.
Во периодот од јули 2013 – јуни 2015, во Северна Македонија просечната нето-плата пораснала за 821 денари.
Во периодот од јули 2015 – јуни 2017, во Северна Македонија просечната нето-плата пораснала за 842 денари.
Во периодот од јули 2017 – јуни 2019, во Северна Македонија просечната нето-плата пораснала за 2.297 денари.
Спиралата за раст на платите, започна во август 2017 година со првото покачување на минималната плата на 12.000 денари.
Сега, во ноември 2019 година, следуваше и дополнително покачување на минималната плата на 14.500 денари. Владата започна и мерка за субвенционирање на придонесите за работодавците кои ќе ги покачат платите на своите вработени до 100 евра.
Наставниците на почетокот на 2020 година ќе добијат ново покачување на платите. Лекарите и медицинските сестри веќе добија сериозно покачување. Еден лекар специјалист ќе зема и до 100.000 денари плата. Припадниците на Армијата земаат поголема плата, како и полицијата и пожарникарите.
Цената на струјата е пониска и стабилизирана, во време на претходната влада порасна за 100%
Северна Македонија беше прогласена за „регионален шампион“ за реформи во енергетиката, од Енергетската заедница.
Преку новиот Закон за енергетика и со силните инвестиции во обновливи извори на енергија и гасификација, Владата го стабилизираше вртоглавиот раст на цената на струјата. Денеска, граѓаните плаќаат пониска просечна цена за киловат/час.
Дополнително, ЕСМ своите годишни профити, преку општествено одговорно работење, ги насочува назад кон граѓаните и издвои 40 милиони евра за субвенција на инвертер клими и 24 милиони евра за филтри во Битола.
Отвораме повеќе нови фабрики
Во периодот од јули 2013 – јуни 2015, потпишани се 7 договори за поддршка за градба на фабрики, а отворени се 6 фабрики.
Во периодот од јули 2015 – јуни 2017, потпишани се 9 договори за поддршка за градба на фабрики, а отворени се 7 фабрики.
Во периодот од јули 2017 – јуни 2019, потпишани се 22 договори за поддршка за градба на фабрики, а отворени се 12 фабрики.
За 2 години, Владата потпиша 34 нови договори за странски и домашни инвестиции. Од нив, 12 фабрики се изградени, а 22 фабрики се во процесот на изградба.
Растат странските инвестиции
Во периодот од јули 2013 – јуни 2015, има 457 милиони евра странски директни инвестиции.
Во периодот од јули 2015 – јуни 2017, има 555 милиони евра странски директни инвестиции.
Во периодот од јули 2017 – јуни 2019, има 741 милиони евра странски директни инвестиции.
Покрај зголемувањето на домашните инвестиции, Владата се посвети и на зголемување на странските директни инвестиции во Северна Македонија.
За две години, во Северна Македонија се инвестираа 741 милиони евра. За ова се одговорни два фактори: (1) Надминувањето на политичката криза и започнување со работа на нашата одговорна и транспарентна влада и (2) решавањето на сите наши билатерални спорови со соседите и откочувањето на евро-атлантските интеграции. Фокусот на економијата, заедно со членството во НАТО ќе донесе уште повеќе странски инвестиции.
Денес, на Северна Македонија се гледа како на безбедна и заштитена земја, мозаик од можности, со Влада која е тука да помогне да се отвори бизнис и да се инвестира.
Раст на индустриското производство
Во периодот од јули 2013 – јуни 2015, има пад од -5,86% на индустриското производство.
Во периодот од јули 2015 – јуни 2017, има зголемување од 3,29% на индустриското производство.
Во периодот од јули 2017 – јуни 2019, има зголемување на 8,87% на индустриското производство.
Извозот се зголемува
Во периодот од јули 2013 – јуни 2015, остварен е извоз од 7,4 милијарди евра.
Во периодот од јули 2015 – јуни 2017, остварен е извоз од 8,9 милијарди евра.
Во периодот од јули 2017 – јуни 2019, остварен е извоз од 11,6 милијарди евра.
Со решавањето на сите отворени билатерални прашања кои ги имаше државата, покажавме дека сме стабилна и безбедна земја. Тоа што е важно да се напомене е дека растот на извозот, придонесува и до слевање на повеќе средства во Буџетот на државата.
Тоа значи повеќе средства за инвестирање назад во човечкиот капитал за следната година.
Резултатите на Владата во овие две години се видливи и опипливи. Владата ќе продолжи да инвестира во силна и стабилна економија, а со тоа и во инвестирање во човечкиот капитал – во граѓаните!
Државата и Владата постојат за граѓаните и наша задача е да враќаме назад кон граѓаните“, наведуваат од Владата во заклучоците од анализата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Славески – Сецуко: во фокусот унапредување на соработката во областа на дигитализацијата, јакнење на финансиската вклученост
Гувернерот на Народната банка, Трајко Славески, оствари средба со амбасадорката на Јапонија во Република Северна Македонија, Кавахара Сецуко.
На средбата беа разменети мислења за актуелните економски движења во светот, предизвиците со кои се соочуваат централните банки при зголемена неизвесност, како и искуствата од спроведувањето на монетарната политика и одржувањето на финансиската стабилност.
Посебен акцент беше ставен на можностите за унапредување на соработката меѓу Народната банка и институциите од Јапонија, особено во областа на дигитализацијата во финансискиот сектор, јакнењето на финансиската вклученост и унапредувањето на вештините и капацитетот на човечките ресурси. Во таа смисла, беше истакната подготвеноста за размена на знаења и добри практики, имајќи го предвид јапонското искуство и експертиза во овие области.
Гувернерот Славески и амбасадорката Кавахара Сецуко се согласија дека постои простор за натамошно зближување и институционална соработка, којашто ќе придонесе за унапредување на економските односи меѓу двете земји.
Економија
Божиновска: Ред во изградбата на нови енергетски капацитети, за прв пат годишен план, ќе се гради она што е приоритет за државата и граѓаните
Министерството за енергетика, рударство и минерални суровини како што е соопштено, започнува практичната примена на Законот за енергетика и воведување на транспарентен, јасен и предвидлив процес на планирање на развојот на енергетскиот систем во Република Македонија. За прв пат ќе биде изготвен Годишен план за развој на енергетскиот систем, кој ќе ги дефинира насоките за изградба на нови објекти и зајакнување на енергетските мрежи, како и насоките за развој на нови енергетски објекти во кои државата ќе се јави како инвеститор со цел стабилизација на системот и зголемување на безбедноста во снабдувањето со електрична енергија.
На интернет-страницата на Министерството за енергетика, рударство и минерални суровини се објавени сите потребни документи за доставување иницијативи за развој на енергетски проекти, со што започнува практичната примена на Законот за енергетика и се воспоставува транспарентен, јасен и предвидлив процес за планирање на развојот на енергетскиот систем во Република Северна Македонија, велат од министерството.
Овој процес е од особена важност за државата затоа што обезбедува конкретна слика за приоритетите во развојот на енергетските капацитети и овозможува стратешко насочување на инвестициите, со цел стабилно снабдување со електрична енергија и правна сигурност за инвеститорите.
„Со овој транспарентен процес, секој потенцијален инвеститор ќе има јасна слика за потребите и приоритетите на нашата држава. Секоја иницијатива ќе биде детално технички обработена, со јасно дефинирани можности за приклучок и потребните зајакнувања на мрежата. Нашата цел е енергетскиот систем да се развива одржливо и да обезбедува стабилно снабдување за сите граѓани“, истакна министерката Сања Божиновска.
„На интернет-страницата на Министерството е објавено детално објаснување што се е потребно за поднесување на инцијатива. https://portal.mdt.gov.mk/post-body-files/dokumenti-file-wrMD.docx
На сајтот на министерството се достапни и сите технички и административни документи, поделени според видот на капацитетите, а со цел олеснување на процесот за потенцијалните инвеститори, обезбедување навремена подготовка за апликација и можност сите заинтересирани да ги планираат своите инвестиции врз основа на јасна слика за приоритетите на државата.
Што значи ова за инвеститорите?
• Проектите уште во рана фаза ќе бидат детално технички обработени,
• ќе се дефинираат потребните интервенции во дистрибутивната и преносната мрежа,
• за секоја иницијатива ќе се изготват варијанти за приклучок, јасно и транспарентно ќе се презентираат потребните зајакнувања и надградби на соодветните енергетски системи како и роковите за реализација,
• ќе се елиминираат несигурностите околу приклучувањето на проектите кон мрежата,
• ќе се обезбеди правна сигурност за инвеститорите и предуслови за финансиска поддршка од институциите.
Секој инвеститор – приватна компанија, физичко лице, општина или јавно претпријатие – има можност да достави иницијатива. Секоја иницијатива ќе биде анализирана според:
• видот на технологија за производство на електрична енергија,
• техничките и технолошките карактеристики на опремата,
• инсталираната моќност и балансниот капацитет,
• регионот на реализација, како и можностите за приклучок кон енергетските системи.
Рок за доставување на иницијативи за 2026 година е 30 септември 2025.
По завршување на рокот ќе биде изготвен Годишен план за развој на енергетскиот систем“, соопштија од министерството.
Економија
Поевтинуваат секојдневните плаќања за граѓаните и за компаниите, извести Народната банка
Активностите на Народната банка за намалување на надоместоците на банките за електронските плаќања заради нивна поголема достапност и користење веќе имаат видливи резултати за граѓаните и за компаниите. По интензивната комуникација и по намалувањето на трошоците за користење на Македонскиот интербанкарски платен систем – МИПС, банките ги подложија на ревизија своите тарифници намалувајќи ги надоместоците за извршување на платежните услуги, извести Народната банка.
Сите банки веќе усвоија нови тарифници со значително намалени надоместоци за платежни трансакции со платни налози. Имено, надоместоците за плаќањата коишто граѓаните ги извршуваат преку МИПС се намалени во просек за околу 50%, додека електронските плаќања на граѓаните коишто се извршуваат во рамките на истата банка (т.н. интерни плаќања) стануваат бесплатни во најголемиот дел од банките. Надоместоците коишто компаниите им ги плаќаат на банките исто така се намалени. Така, електронските плаќања на компаниите во МИПС стануваат поевтини во просек за околу 30%, додека електронските интерни плаќања за околу 55%. Општо земено, банките преминуваат кон поевтини и фиксни надоместоци по трансакција, коишто се однапред познати и не зависат од износот на плаќањето. Новите поевтини надоместоци се веќе во примена кај дел од банките, а останатите банки планираат да започнат со примена на намалени надоместоци најдоцна до октомври оваа година, велат од НБ.
Овие промени се дел од пошироката визија на Народната банка за дигитализација и модернизација на платниот систем. Поевтините услуги го поттикнуваат користењето на електронските плаќања, ја зајакнуваат довербата во финансиските институции и придонесуваат кон општествено одговорно работење на банкарскиот сектор, се додава во соопштението.
Трагедија во Црна Гора: девојка од Србија се удави во близина на Тиват
Попладнево во морето кај Луштица, Црна Гора, нуркачи и членови на Пловечката единица безуспешно се обидуваа да го пронајдат и...
Франција и Германија се мобилизираат; Макрон: Му дадов ветување на Туск
Франција денес соопшти дека одлучила да мобилизира три борбени авиони „Рафал“ за заштита на полскиот воздушен простор и источна Европа...
ФБИ објави фотографии од осомничениот за убиството на Чарли Кирк
ФБИ објави фотографии од осомничениот за убиството на Чарли Кирк. „Бараме помош од јавноста за идентификување на ова лице од...
ФБИ: Ја пронајдовме пушката со која беше затрелан Кирк, имаме и снимки и отпечатоци
Оружјето за кое се верува дека е употребено во вчерашното пукање врз Чарли Кирк е пронајдено, но осомничениот е сè...
Забрана за движење на територија на депонијата „Вардариште“
Управувачкиот комитет за координација и управување со системот за управување со кризи, на денешната 7-ма седница, предложи до Владата, а...
Вонреден инспекциски надзор на депонијата „Дрисла“
Во доцните попладневни часови, околу 15:15 часот, државниот Инспекторат за животна средина изврши вонреден инспекциски надзор поради пожар кој избувна...
Воздухот мириса, но ве уверувам дека не е штетен на ниво што предизвикува здравствени проблеми, вели Алиу
Иако депонијата „Дрисла“ трет ден го полни Скопје со смрдеа на изгорена пластика и гума, министерот за здравство, Азир Алиу,...
„Дрисла“ трет ден ги труе скопјани, Мицкоски со механизација од општествено одговорни компании ќе влезе на депонијата
За пожарот и чадот од депонијата „Дрисла“, кои трет ден ги трујат скопјани, премиерот Христијан Мицкоски вели дека има истрага,...
Мицкоски се извини за Фетаи: Тој се труди да го учи и зборува македонскиот јазик, не го знае оти се иселил на шест години
Потпретседателот на Владата задолжен за добро владеење, Арбен Фетаи, течно зборува четири странски јазици, а македонскиот сѐ уште го учи оти...
(Видео) Филипче: Мицкоски призна, граѓаните се оставени сами, без мерки за високите цени и со најниски плати
„Жалам што вчера премиерот изјави дека нема да се интервенира во цените на производите, вклучувајќи ги и основните прехранбени продукти,“...
Против три лица поднесено обвинение за депониите во „Вардариште“: ОЈО Скопје постапува и во други предмети за загaдување со отпад
Јавен обвинител од Основното јавно обвинителство Скопје ја заврши истражната постапка и денеска поднесе обвинителен акт против три лица за...
„Дрисла“ сѐ уште чади, агенција за обезбедување ја чува депонијата „Вардариште“
На депонијата „Дрисла“ сѐ уште има чадење, информира директорот на ДЗС, Стојанче Ангелов, кој појасни дека депониите тешко се гаснат со...
Охриѓанец паднал од третиот кат на зградата во која престојувал
Вчера во 19:38 часот во СВР Охрид е пријавено дека К.Д.(53) од Охрид паднал од третиот кат од зградата каде...
Сомнителни, незаконски и астрономски скапи набавки правело МНР за време на Бујар Османи, велат од „Вреди“
Сомнителни, незаконски и астрономски скапи набавки правел МНР за време на Бујар Османи, велат од „Вреди“. „Документите до кои дојдовме...
Последните зборови на Чарли Кирк пред атентатот: Куршум го погоди соработникот на Трамп додека зборуваше за насилство
Сѐ уште е во бегство осомничениот за атентатот на Чарли Кирк, младиот конзервативен активист, кој беше застрелан во вратот додека говореше...
Дождот не помогна многу – чадот од „Дрисла“ и утрово не стивнува, затрупувањето продолжува
Дождот засега не помогна многу во гаснењето на пожарот на депонијата „Дрисла“, чиј чад што се чувствува во воздухот во...
Шабан Салиу објави кандидатура за градоначалник на Шуто Оризари
Претседателот на Демократските сили на Ромите (ДСР), Шабан Салиу, синоќа ја промовира својата кандидатура за градоначалник на општина Шуто Оризари....
Нападот во Катар не беше мудар потег, му рекол Трамп на Нетанјаху
Американскиот претседател Доналд Трамп му рекол на израелскиот премиер Бенјамин Нетанјаху дека неговата одлука да изврши воздушни напади врз припадници...
Локални избори: на полноќ завршува јавниот увид во Избирачкиот список
На полноќ завршува увидот во Избирачкиот список, којшто граѓаните од 23 август можат да го проверат и да поднесат барања...
(Видео) Расправија за време на минутата молк за Кирк во Претставничкиот дом
За време на минутата молк за Чарли Кирк во американскиот Претставнички дом избувна жестока расправија. „Ве молам, станете за момент...
