Македонија
„НаТочак“ повикува на протест поради контејнерите кои ги блокираат патеките за велосипедисти
![](https://makfax.com.mk/wp-content/uploads/2019/11/VONREDNA_KM_COVER_FB.jpg)
И по повеќе од две изминати недели од писмено доставеното барање на одговори до Град Скопје за несоодветно поставените контејнери на велосипедските патеки ширум градот, иницијативата „НаТочак“ соопшти дека не добиле одговор од градот на кој начин се одлучиле локациите, според кои стандарди се воделе и како се планира да се реши овој евидентен проблем на кој реагираа многу граѓани на социјалните мрежи. Поради тоа, во среда со почеток од 17:30 часот од Плоштад „Македонија“, ќе се одржи вонредна Критична маса за да се изрази незадоволството од односот и пасивноста на градските власти, кои наместо да работат на унапредување на велосипедската инфрастуктура, тие ја уназадуваат.
Од иницијативата посочуваат дека е поразително да се протестира за поставување на контејнери на патеките за велосипедисти и е трагично што воопшто се занимаваат со работи кои сметаат дека не треба воопшто да бидат прашање или со лекции кои одамна требало да бидат научени. Според нив, ова ситуација е враќање пет години наназад во ангажманот Скопје да добие нормални услови за движење со велосипед.
Од оваа неформална група, која со години наназад се залага за унапредување на велосипедскиот транспорт, апелираат дека Град Скопје треба да работи повизионерски и наместо поставување на контејнери на велосипедските патеки треба да се занимава со продолжување на патеката по кејот на Вардар на исток и запад и истата да се ослободи од коли и градби во строгиот центар, да се шири мрежата низ градот, да се градат велосипедски полигони за сообраќајно образование, да има задолжителен велосипедски паркинг во новите станбени објекти, постоечките патеки веќе да се прошируваат и крстосниците да добијат целосно нов мултимодален, неавтоцентричен лик.
Дел од предлозите за кои се залагаат од „НаТочак“ се и тоа дека градот треба да добие автоматизиран систем за изнајмување велосипеди, цел град каде нема велосипедска инфраструктура да се прогласи за Зона 30, да се намалат лентите за автомобилите и да се враќа просторот на пешаците, велосипедите и зеленилото.
Разочарани што од Град Скопје не одговориле на ниедно од прашањата кои тие и официјално писмени ги доставиле, „НаТочак“ сметаат дека молкот значи дека од Град Скопје не сакаат да се дознае кој е одговорен за одлуката за типот и локациите на контејнерите, бидејќи одлучиле несоодветни и нестручни лица или лица кои не сакаат да се носат со одговорност.
„Локациите на контејнерите не се размислувани пред да се направи набавката. Како влезен критериум за избор на типот не се земени постоечките локации и услови на нив. Не е размислувано ни за нови локации, надвор од булеварите. Контејнерите се нарачани без да се води сметка како ќе влијаат на одвивањето на сообраќајот (пешачки и велосипедски). Исто така, поставени се без елаборат за поставување на урбана опрема, не се почитувани стандардите за урбанистичко планирање и уредување на просторот, а уште помалку е направен напор за подобрување на тие стандарди“, велат од „НаТочак“.
Според нив, Град Скопје не ги консултирале ниту лицата од Секторите за сообраќај, урбанизам, СВР Скопје, како ни Координативното тело за велосипедски сообраќај и луѓе кои работат на проектот „Скопје Велоград“.
„Ова се сериозни пропусти во работењето на една градска администрација. Искрено, се надеваме дека е ова привремено решение и дека ваков непрофесионален пристап нема да се повтори. Се надеваме нема да има посериозни последици во меѓувреме како загрозување на животи, а штета во смисла на демотивирање на движењето пеш и со точак. Нашето единствено барање е да се дислоцираат контејнерите од велосипедските патеки и да се најде друго место за нив“, велат од иницијативата.
Вонредната критична маса под наслов „Велоград во контејнер“, ќе започне со собир на Плоштад Македонија, а ќе заврши пред канцелариите на Град Скопје. „НаТочак“ ги повикува сите граѓани кои се незадоволни од ваквото решение да се придружат на заедничкото возење во среда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Мицкоски од Вашингтон: Ќе оствариме средби со државници, со бизнисмени и со дијаспората, а ќе најавиме и нова инвестиција
![](https://makfax.com.mk/wp-content/uploads/2024/07/Screenshot-2024-07-07-174622.jpg)
Премиерот Христијан Мицкоски попладнево преку видео-обраќање најави дел од своите активности во рамки на официјалната посета на САД.
„Следниве неколку дена во Вашингтон и во Њујорк ќе престојува владина делегација која што ќе ја предводам јас, а во нејзин составен дел се и министрите за надворешни работи, внатрешни работи и одбрана. Ќе бидеме дел од настанот кој што ќе прославува 75 години од постоењето на НАТО алијансата.
Она кое што сакам исто така да го потенцирам се големиот број билатерални средби кои што ќе ги имам заедно со државници на земји кои што се членки на НАТО алијансата, во деновите кои што следат, но исто така во деновите кои следат ќе имам средби со бизнис заедницата овде во САД, каде што ќе ги презентирам потенцијалите кои што ги нуди Македонија за инвестирање.
Ќе најавам уште една нова странска инвестиција на компанија која што е дел од листата на најголемите 500-тини компании овде во САД, нови десетици милиони евра инвестиција и нови работни места за македонските граѓани.
Тоа е она кое што преставува основен приоритет на новата влада во Македонија. Би сакал исто така да напоменам дека последните денови во Њујорк ќе ги искористам за средба со македонската дијаспора, македонските исселеници.
Би сакал од нив да слушнам што е она што тие го очекуваат од новата влада и нормално, што е она што новата влада ќе го понуди за да можат нашите исселеници да се вратат дома, во нивната татковина, таму да инвестираат и практично да ги избегнат сите оние пречки кои што беа изминатиот период со кои тие се соочуваа при своето доаѓање назад во својата татковина.
Уште еднаш да се заблагодарам на македонската јавност што не следи изминатиот период и да ја охрабрам дека доаѓаат нови убави моменти за македонските граѓани. Ние на најдостоинствен начин, како што ни прилега, ќе ги претставуваме интересите на граѓаните и државата овде во Вашингтон , а потоа и во Њујорк“, рече премиерот Мицкоски.
Македонија
(Видео) Пожар се шири на ридот меѓу Горно Коњари и Миладиновци
![](https://makfax.com.mk/wp-content/uploads/2024/07/Screenshot-2024-07-07-160041.jpg)
Пожар се шири на ридот меѓу Горно Коњари и Миладиновци, информира ЦУК.
„Од 112 во Центар за Управување со Кризи до Сектор за операции и кординација е добиена пријава во врска со пожар кој се шири на ридот меѓу Горно Коњари и Миладиновци.Според информација добиена од БППЗ Скопје се работи за депонијата кон село Миладиновци.Нема информација за штети или дали истиот постои опасност да ги зафати и околните објекти“, велат од ЦУК.
Повеќе од 1 час огнот се гасне од страна на екипи од БППЗ Скопје…
Македонија
Силен земјотрес во Македонија!
![](https://makfax.com.mk/wp-content/uploads/2023/08/ohrid-2.jpg)
Земјотрес со јачина од 3,5 степени според Рихтеровата скала ја погоди Македонија, јавува ЕМСЦ.
Земјотресот се случил во 14 часот и 7 минути, на 15 километри од Охрид, на длабочина од 10 километри.
Засега нема информации за повредени или материјална штета.
Граѓаните на веб-страницата на ЕМСЦ пишуваат дека земјотресот траел кратко, но дека го почувствувале.
„Како некој да ми го затресе каучот“, „Кратко, но моќно“, „Тоа траеше кратко, но се чувствуваше“, се само дел од коментарите на граѓаните.
🔔#Earthquake (#земјотрес) M3.5 occurred 15 km S of #Ohrid (Republic of North Macedonia) 3 min ago (local time 14:07:56). More info at:
📱https://t.co/IbUfG7TFOL
🌐https://t.co/SmcV3yEYJc
🖥https://t.co/FmO253z6S4 pic.twitter.com/aHfinCzY3q— EMSC (@LastQuake) July 7, 2024