Спорт
„Светците“ во Мадрид, Јуве против Атлетико
![](https://makfax.com.mk/wp-content/uploads/2019/11/18642808-7479137-image-a-43_1568840253045.jpg)
Вечерва, во Лигата на шампионите на програмата се натпреварите од претпоследното коло во А-Д сегментот.
Неколку интересни натпревари се на програмата вечерва, а секако дерби-пресметките ќе ги одиграат Јувентус и Атлетико, односно Реал и ПСЖ.
Јувентус има обезбеден пласман во нокаут-рундата, слично како и ПСЖ. За разлика од нив, тимовите од Мадрид допрвин треба да си го потврдат пласманот меѓу најдобрите 16.
Интересен меч се очекува во Белград помеѓу Црвена звезда и Баерн Минхен. Баварците се веќе во осмина-финалето, а српскиот првак има теоретски шанси за пласман понатаму, но за нив поважно е да ја обезбедат третата позиција и пласман што им гарантира место во Лига Европа.
Аталанта во Милано ќе го пречека Динамо Загреб. Хрватскиот првак со евентуална победа ќе се доближи до нокаут-фазата.
Грула А:
Галатасарај-Клуб Бриж
Реал Мадрид-Пари-Сен Жермен
Табела: ПСЖ 12, Реал 7, Бриж 2, Галатасарај 1
Група Б:
Црвена звезда- Баерн Минхен
Тотенхем-Олимпијакос
Табела: Баерн 12, Тотенхем 7, Црвена ѕвезда 3, Олимпијакос 1
Група Ц:
Аталанта-Динамо Загреб
Манчестер сити-Шахтјор
Табела: Манчестер сити 10, Шахтјор 5, Динамо 5, Аталанта 1
Група Д:
Локомотив Москва-Баер Леверкузен
Јувентус-Атлетико Мадрид
Табела: Јувентус 10, Атлетико 7, Локомотив 3, Баер 3
Дуелите Галатасарај-Бриж и Локомотив Москва-Баер Леверкузен ќе почнат во 18.55 часот, другите шест натпревари се играат во редовниот термин од 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Швајцарска доминација во екипна комбинација во Залбах
![](https://makfax.com.mk/wp-content/uploads/2025/02/12815356.jpg)
Швајцарските скијачи ги освоија сите медали во екипна комбинација на Светското првенство во Залбах, Австрија.
Најбрзи беа Франц фон Алмен и Лоик Мајер.
Во новото натпреварување во екипна комбинација, едниот скијач скија во спуст, а другиот слалом, нивните резултати се собираат.
Фон Алмен и Мејар го освоија златниот медал со време од 2:42,38 минути. Сребрениот медал го освоија Алексис Мони и Тангуј Неф, кои водеа по првото возење со заостанување од 0,27 секунди.
Бронзата им припадна на Стефан Рожентан и Марк Роша со 0,43 секунди заостанување.
Швајцарците доминираат на Светското првенство во Залбах, Марк Одермат го освои златото во супер-Џи и Фон Алмен во спуст.
Спорт
Еурофарм Пелистер ќе учествува во премиерното издание во младинската Лига на шампиони
![](https://makfax.com.mk/wp-content/uploads/2025/02/images-2.jpg)
Според моделот на младинската Лига на шампиони на УЕФА и Европската ракометна федерација (ЕХФ) ќе воведе натпреварување за тимови до 18 години. Натпреварувањето ЕХФ го нарече „EHF Youth Club Competition“. Во премиерното издание ќе учествува и Еурофарм Пелистер. Битолчани ќе учествуваат на турнирот во Букурешт, а противници ќе им бидат Динамо, Кјелце и Висла.
Премиерното издание ќе се игра турнирски, а завршниот турнир ќе биде во Келн.
Ќе учествуваат 16 екипи поделени во четири групи од по четири екипи. Победниците на турнирите ќе се пласираат на фајналфорот во Келн.
Турнирите ќе се одржат во Барселона, Букурешт, Веспрем и Берлин:
Турнир во Барселона: Барселона, ПСЖ, Нант, Спортинг
Турнир во Веспрем: Веспрем, Загреб, Сегед, Војводина
Турнир во Берлин: Фуксе Берлин, Магдебург, ГОГ, Савехоф
Турнир Букурешт: Динамо Букурешт, Кјелце, Висла Плоцк, Еурофарм Пелистер
Вкупно, 13 од 16. клубови кои имаат тимови во сениорската Лига на шампиони учествуваат во ова ново натпреварување до 18 години.
Алборг, Фредериција и Колштад не се дел од турнирот, а нивните места ги заземаа ГОГ, Војводина и Савехоф.
ЕХФ се надева дека новото клупско натпреварување, младинската Лига на шампиони, дополнително ќе помогне во развојот на ракометот.
Спорт
Катастрофа за Арсенал: Хаверц ја заврши сезоната
Германскиот репрезентативец, Каи Хаверц, се здобил со сериозна повреда на тренинг кампот во Дубаи. Менаџерот на Арсенал Микел Артета сега има сериозен проблем, бидејќи веќе не може да смета на Букајо Сака, Габиел Мартинели и Габриел Хесус.
Новинарот на британски „Атлетик“. Дејвид Орнштајн тврди дека Каи Хаверц ја скинал тетивата.
„Атлетик“ објави дека допрва следуваат детални прегледи, дека се уште не е утврдено дали ќе биде неопходна операција, но дека сезоната 2024/25 за Хаверц е дефинитивно завршена.
Германскиот репрезентативец беше стандарден во досегашниот дел од сезоната, постигна 15 гола и забележапет асистенции на 34 настапи во сите натпреварувања.