Спорт
ЛШ: Луди пресврти на ПСЖ и Тотенхем, Лева и Баерн ја „демолираа“ Звезда (видео)
Пари Сен-Жермен повторно се покажа како непремостлива пречка за Реал Мадрид, откако „кралевите“ на Зинедин Зидан пропуштија водство од 2:0 во последните 10 минути од мечот и одиграа само 2:2 на „Сантијаго Бернабеу“ во дербито од петтото коло од Лигата на шампиони.
Тотенхем на Жозе Мурињо покажа одлична истрајност, враќајќи се од 0:2 негатива за 4:2 победа над Олимпијакос. Јувентус со голчиштето на Пауло Дибала стигна до минимална 1:0 победа над Атлетико Мадрид, додека балканските претставници немаа многу среќа – Баерн Минхен ја „уништи“ Црвена звезда среде Белград (0:6), додека Динамо Загреб загуби со 2:0 на „Сан Сиро“ од Аталанта за да ја искомпликува ситуацијата во групата Д.
Карим Бензема во 17. и во 79. минута покажа дека е во одлична форма со два гола за Реал, меѓутоа, прво Килијан Мбапе во 81. минута, а потоа Пабло Сарабија во 83. минута ја анулираа оваа предност на домашниот тим за фрустрирачки резултат за Зидан.
Мечот во Мадрид исто така беше одбележан со еден од најбизарните примери за користењето на ВАР-технологија. При крајот на првото полувреме, судијата прво покажа црвен картон за голманот Тибо Куртоа и пенал за ПСЖ, за по прегледувањето на снимките да одлучи да даде слободен удар на половината на ПСЖ!
ЛИГА НА ШАМПИОНИ, 5.КОЛО
ГРУПА А
Галатасарај – Клуб Бриж 1:1
Реал Мадрид – Пари Сен-Жермен 2:2
Табела: 1.ПСЖ 13, 2.Реал Мадрид 8, 3.Бриж 3, 4.Галатасарај 2
ГРУПА Б
Тотенхем – Олимпијакос 4:2
Црвена звезда – Баерн Минхен 0:6
Табела: 1.Баерн М. 15, 2.Тотенхем 10, 3.Црвена звезда 3, 4.Олимпијакос 1
ГРУПА Ц
Манчестер сити – Шахтјор 1:1
Аталанта – Динамо Загреб 2:0
Табела: 1.Манчестер сити 11, 2.Шахтјор 6, 3.Динамо З. 5, 4.Аталанта 4
ГРУПА Д
Локомотив Москва – Баер Леверкузен 0:1
Јувентус – Атлетико Мадрид 1:0
Табела: 1.Јувентус 10, 2.Атлетико Мадрид 7, 3.Баер Л. 6, 4.Локомотив М. 3
РЕАЛ МАДРИД – ПАРИ СЕН-ЖЕРМЕН
ТОТЕНХЕМ – ОЛИМПИЈАКОС
ЦРВЕНА ЗВЕЗДА – БАЕРН МИНХЕН
МАНЧЕСТЕР СИТИ – ШАХТЈОР
ЈУВЕНТУС – АТЛЕТИКО МАДРИД
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.