Во центарот на нигериската престолнина Абуџа повторно експлодираше бомба при што се убиени 21 човек а ранети се уште 50. Нападот се случил во средата во трговскиот центар во кој имало многу луѓе и кој веќе беше цел на нападите на исламистичкото движење Боко Харам.

СветБомбата експлодирала околу 17 часот по средноевропско време, во близина на влезот во „Emab Plaza“, трговски центар во строгото централно јадро на Абуџа, недалеку од зградата на нигериската влада. Експлозијата одекнала додека многу жители биле во купување на еден час пред почетокот на мечот меѓу Нигерија и Аргентина на Светското фудбалско првенство во Бразил.Во близина на местото на нападот се наоѓаат и зградите на министерствата, управни згради, познати хотели и седиштата на странски компании, а кои се под силно обезбедување по бомбашкиот напад врз зградата на Обединетите нации во август 2011 година. Оттаму, овој напад ја поттикнува загриженоста кога станува збор за подготвеноста на нигериските сили за јавен ред кои се задолжени за безбедноста во главниот град.Глетката на местото на нападот била стравична, возила на итната помош тешко се пробивале низ остатоците од автомобилите, тела и локви крв, настојувајќи да им помогнат на луѓето кои давале знаци на живот, извести репортерот на AFP. Додава дека детонацијата била толку силна, што биле скршени сите стакла на прозорците од згради на другата страна на улицата.Едно лице е приведено, рекол Франк М’ба, портпарол на полицијата. Мајк Омери, портпарол на владата, пак, прецизирал дека станува збор за бомбашки напад.Засега никој не ја презема одговорноста за овој напад, но сите сомневања паѓаат врз радикалното исламистичко движење Боко Харам, којашто во април грабан повеќе од 200 средношколки, а во април и мај годинава изведе неколку терористички напади во Абуџа во кои вкупно загинаа 120 лица.Од почетокот на нападите на оваа исламистичка група во 2009 година главна цел на бунтовниците беа христијаните, а од средината на 2013 година, пак, најмногу ги напаѓаат владините сили, но продолжуваат и масакрите во христијанските средини, како и во муслиманските заедници кои не ја прифаќаат нивната идеологија.Боко Харам, чиешто име на хауса јазикот значи „западното образование е грев“, е одговорна и за многу напади врз училишта и универзитетски кампуси, главно во североисточниот дел од земјата. Оваа екстремистичка група за која постои сомневање дека е директно поврзана со глобалната терористичка организација Ал Каеда, сака да создаде муслиманска држава во северниот дел од Нигерија во кој муслиманите се мнозинство.Во Нигерија последните месеци се разжестува бунтот на исламистите чии упоришта се во североисточниот дел од земјата, каде што е прогласена вонредна состојба. Судири меѓу муслиманските милитанти и нигериската војска се разгоруваат повремено во регионите Борно, Потискум и Јоба. Спорадични пресметки има и во провинцијата Вудилу, на околу 20 километри од Кано, најголем град во северниот дел од Нигерија, како и во Баучи, во една од 12-тe провинции во северна Нигерија со мнозинско муслиманско население. Таму пред девет години почна да спроведува шеријатско право, што предизвика судири меѓу муслиманите и припадниците на локалното христијанско малцинство, и оттогаш во судирите се убиени повеќе од илјада лица.За нападите врз христијаните во Нигерија одговорноста редовно ја презема радикалната исламистичка група Боко Харам, основана во 2002 година која бара воведување на шеријатот (исламскиот закон) во Нигерија и искоренување на западниот секуларен модел на образование. Нејзините борци беа вклучени во неколку терористички напади во 2011 година, вклучително и врз седиштето на Обединетите нации во главниот град Абуџа. Боко Харам е обвинета за убиствата на повеќе од илјада луѓе во терористичките напади коишто ги интензивираше од 2009 година.Нигерија е составена од вкупно 36 сојузни држави и има население од околу 160 милиони, кои речиси по половина се христијани на југот и муслимани на северот, но милиони од нив живеат и на север и на југ.Нигерија е најголемиот производител на нафта во Африка, и извезува околу 2,2 милиони барели нафта дневно. Меѓутоа, нафтената индустрија во земјата трпи загуби поради честите напади што ги изведуваат борците на Движењето за ослободување на делтата на Нигер и други вооружени групи, врз објекти на „Chevron”, „Shell” и други нафтени компании./крај/мф/сн

Извор: Макфакс