Спорт
Тргната забраната за „сините“, се спрема список со желби за јануари
Челси е повторно на пазарот откако Арбитражниот спортски суд ја преполови казната на „сините“ и ја тргна забраната за купување играчи, па клубот уште во јануари ќе може да го засилува тимот.
Челси со менаџерот Лампард, со овој состав моментно е четврти во Премиерлигата, а ако следната недела го победи француски Лил во Лондон, ќе обезбеди и ноакут-фаза во ЛЕ.
Сепак, Челси веќе има направено список со желби уште за јануарскиот преоден рок.
Прв на него е младиот фудбалер на Борусија Дортмунд, Џејдон Санчо (19) кој „миионерите“ сакаат да го продадат пред се поради неговата недисциплина. Можно е со неговиот ангажман „сините“ да го срушат клупскиот рекорд од 85 милиони евра, колку што клубот пред 18 месеци плати за голманот Кепа Аризабалага.
На листата на желби е и играчот на Лестер, бекот Бен Чилвел. Пореална мета од него е дефанзивецот на Борнмут, Холанѓанецот Натан Аке.
Германскиот двоец, Каи Хаверц и Тимо Вернер нема да доаѓаат на „Стемфорд Бриџ“ иако претходно се пишуваше дека лондонскиот клуб е заинтересиран за нивни ангажман.
Сепак, англиските медиуми пишуваат дека Челси е подготвен да се бори со Ливерпул и Наполи за добедување на играчот од среден ред на Генк, Сандер Берг.
Во јануари „сините“ би можеле да тргнат и по крилото на Кристал Палас, Вилфред Саха, но не по секоја цена иако Челси има на располагање околу 150 милиони евра, најголем дел од продажбата на Еден Азар во Реал Мадрид. На тоа ако се додаде дека летово Челси ќе добие и 68 милиони евра за Алваро Мората (Атлетико Мадрид) чија позајмица ќе стане трајно купување, тогаш станува јасно дека Лампард ќе има доволно за трошење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.
Спорт
Јасикевичиус го сака Димитријевиќ во Фенербахче
Актуелниот МВП во ВТБ лигата, македонскиот репрезентативец, Ненад Димитријевиќ, од наредната сезона веројатно ќе игра во Евролигата.
Кошаркарот на Уникс, со просек од 19 поени по меч, 6,6 асистенции, 3,3 скока и 1,3 украдени топки го обележа регуларниот дел од сезоната во ВТБ лигата.
Според информациите на турските медиуми, Димитријевиќ е на мета Фенербахче. Тренерот Шарунас Јасикевичиус изразил желба да го види Димитријевиќ во својот тим. .
Фенербахче ќе направи реконструкција на плејмејкерската позиција, извесно е дека тимот ќе го напуштат Гркот Ник Калатес и Израелецот Јам Мадар.
Спорт
МЗТ загуби од Спартак Суботица
Фото/ Петр Стојановски/ АБА2
Кошаркарите на МЗТ го загубија првиот полуфинален натпревар во АБА 2 лигата. Вечерва во Скопје, МЗТ доживеа пораз од Спартак 73:78 (15:23, 16:12, 24:17, 18:26).
Лошата игра во првиот дел во кој му дозволија на гостинот апсолутна доминација во скокот го однесе МЗТ во пораз. Спартак, најдобриот тим во регуларниот дел од сезоната, преку скокот ја контролираше играта. Одличната секвенца на Војдан Стојановски во финишот на полувремето го доближи МЗТ на само четири поени негатива.
Американецот Гилион одлично го започна вториот дел, со седум поени во низа го врати МЗТ во водство. Се одлепи МЗТ на пет поени (55:50) во финишот на третиот период и тука застана.
Спартак предводен од Гордиќ стекна предност од 10 поени, предност која МЗТ успеа да ја преполови.
Војдан Стојановски со 20 поени, по три скока и асистенции и шест украдени топки го предводеше МЗТ. Двоцифрени беа и Делалиќ со 13, Танасковиќ со 12 и Гилион со 11 поени. Кај Спартак се истакна Гордиќ со 16 поени и шест асистенции.
Реваншот се игра за една недела во Суботица.