Спорт
Да се биде или не за Ливерпул
Вечерва во групите Е, Ф, Г и Х ќе се одигра последното коло во Лигата на шампионите. Познато е дека од оваа половина пласман во осмина-финалето веќе обезбедија Барселона и Лајпциг.
Европскиот првак Ливерпул неочекувано во последното коло ќе ја решава својата судбина во Лигата на шампионите. „Црвените“ гостуваат во Салцбург и со евентуален пораз ќе ја завршат сезоната во елитата.
„Знаеме дека ова за нас е финале. Секогаш одиме по потешкиот пат. Навикнати сме на вакви работи. Знаеме дека Салцбург ќе дадат се од себе за да не победат. Нив само победа ги носи во осмина-финалето. Ние сме лудо амбициозни, ќе се бориме. Ова за нас е најважниот меч од почетокот на сезоната“, рекол менаџерот на Ливерпул Јирген Клоп.
Во оваа група на Наполи му е потребен бод против Генк за да обезбеди осмина-финале. Победа или нерешено ги носи во нокаут-рундата и Ливерпул. Во случај на пораз Ливерпул ќе испадне, а во осмина-финалето ќе оди Салцбург.
Барселона е сигурна во својата група, поради што против Интер ќе игра без најголемите ѕвезди. Победа ги носи Интер понатаму бидејќи имаат подобар меѓусебен скор од Борусија.
Лајпциг од Г-групата се веќе во осмина-финалето, а вториот патник од групата ќе биде Зенит или Лион. Русите со победа во Лисабон над Бенфика ќе бидат осмина-финалисти.
Три екипи се во трка по двете места во Г-групата. Челси на хартија имаат најлесен противник. „Сините“ само треба да победата против Лил и ќе бидат сигурни осмина-финалисти. Ајакс ќе ја пречека Валенсија и со бод ќе си обезбеди пласман меѓу најдобрите 16 екипи во Европа.
Група Е:
Салцбург-Ливерпул
Наполи-Генк
Табела: Ливерпул 10, Наполи 9, Салцбург 7, Генк 1
Група Ф:
Интер-Барселона
Борусија Дортмунд-Славија Прага
Табела: Барселона 11, Интер 7, Борусија 7, Славија 2
Група Г:
Лион-Лајпциг
Бенфика-Зенит
Табела: Лајпциг 10, Зенит 7, Лион 7, Бенфика 4
Група Х:
Ајакс-Валенсија
Челси-Лил
Табела: Ајакс 10, Валенсија 8, Челси 8, Лил 1
Натпреварите во Е-групата ќе започнат во 18.55 часот. Во останатите три групи мечевите ќе стартуваат во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дали е Баерн оштетен во последните секунди од натпреварот?
Фудбалерите на Реал Мадрид се пласираа во финалето на Лигата на шампионите каде на 1.јуни за титулата ќе се борат со Борусија Дортмунд.
Вечерва на „Сантијаго Бернабеу“, Реал повторно режираше нестварен пресврт и со головите на Хоселу во 88. и 91.минута го победи Баерн со 2:1.
Сепак, сенка на феноменалното полуфинале фрли помошникот на Симон Марчињак, Томаш Листкиевич, кој во последната минута од судиското надополнување реши да го прекине нападот на Баварците поради дискутабилен офсајд.
Во последните секунди Де Лихт погоди по додавањето на Милер, но помошникот во ситуацојата која беше „тесна“ реши да го крене знамецето.
Протоколот предвидува линискиот судија да ја остави акцијата да заврши, за доколку е постигнат гол, подоцна со помош на ВАР да се утврди дали голот бил регуларен или не.
Овде судијата не го направи тоа, па фудбалерите на Баерн, но и тренерот Томас Тухел целосно ги загубија нервите.
Спорт
Олимпијакос е последниот патник на завршниот турнир – Грците ја добија мајсторката во Барселона
Кошаркарите на Олимпијакос ја совладаа Барселона, во мајсторката одиграна во Каталонија со 63:59 и се пласираа на завршниот турнир во Евролигата, кој ќе се одржи од 24-26. ќе се одржи во Берлин во мај.
Грчкиот тим, кој вторпат победи на гостински терен во четвртфиналната серија со Барса, на тој начин им се придружи на Реал Мадрид, Панатинаикос и Фенербахче кои претходно се пласираа во Берлин.
Избраниците на Јоргос Баркокас трета година по ред се пласираа на завршниот турнир во Евролигата.
Претходната година беа поразени во финалето од Реал, а годината претходно беа елиминирани во полуфиналето од Анадолу Ефес кој подцна ја освои титулата.
Ривал на Олимпијакос во полуфиналето ќе биде Реал и тоа ќе биде реприза на финалето од минатата сезона од Каунас.
Вечерва во Блауграна, двата тима одиграа исклучително тврд и дисциплиниран натпревар во кој доминираа одбраните.
Олимпијакос во сердишницата од решевачката четвртина со серија поени и добра одбрана со која ги затворија сите патишта до нивниот обрач направија клучен исчекор кон победата.
Серијата од 8:0 во тој налет се покажа како клучна.
Две тројки постигнаа гостите во тој интервал, по една Мекисик и Папаниколау.
Барса, не се предаде, а пропушти одлична можност да го израмни резултатот кога Грците водеа со 57:54. Потоа Абрињес го повлече нападот, но Мекисик му ја „украде“ топката за во продолжение Милутинов да остане сам во рекетото на противникот и со забицвање да ја запечати победата на Олимпијакос.
Српскиот центар го заврши мечот со 10 поени (4/5 за два, 2/4 слободни фрлања), 10 скокови, две асистенции и блокада за убедливо највисок индекс на корисност 26 за 25 минути на теренот, Мекисик постигна 12. (2/4 за три), Папаниколау 11 (3/6 за три).
Само Лапровитола со 17 (3/8 за два, 2/7 за три) со седум скока и четир асистенции и Алекс Абринес со 13 поени (3/3 за два, 2/5 за три) во Барселона постигнаа двоцифрен број на поени.
Спорт
(Видео) Хоселу го реши трилерот во Мадрид – Реал е во финалето на ЛШ
Реал Мадрид 18.пат во клупската историја ќе се бори за трофејот во Купо/Лигата на шампионите. Вечерва на „Сантијаго Бернабеу“ во инфаркт завршница го победи Баерн со 2:1. Апсолутен херој на Реал е искусниот напаѓач Хоселу, кој со головите во 88. и 91.минута направи пресврт, откако Баерн поведе со голот на Дејвис во 68.минута.
Фудбалерите на Баерн беа на само неколку минути до финалето. Поведоа со спектакуларниот гол на Алфонс Дејвис и водеа до самиот крај на натпреварот, сепак, избраниците на Карло Анчелоти по којзнае кој пат покажаа сила и одлучност да се вратат „од мртвите“ и со голем пресврт да дојдат до победата.
Јунак на натпреварот беше Хоселу, тој влезе во игра во 81. минута и ги постигна двата гола за „кралскиот клуб“. Трагичар е голманот на Баерн, Мануел Ноер. Бранеше брилијантно во текот на целиот меч, но со груба грешка им го подари израмнувачкиот гол на фудбалерите на Реал.
Реал во финалето ќе игра против Борусија Дортмунд, која во два натпревари со вкупни 2:0 го елиминира ПСЖ.
Реал Мадрид е убедливо најуспешен клуб со рекордни 14 титули европски шампион. Борисија само еднаш ја освои Лигата на шампионите, во 1997 година, кога како аутсајдер го победи и Јувентус (3:1) во Минхен.