Спорт
Шоу на Ленард и Џорџ, Лејкерс ја „украдоа“ победата во Мајами, Харден броеше до 54 (Видео)
Кошаркарите на Лос Анџелес Клиперс, Хјустон Рокетс и Лос Анџелес Лејкерс благодарение на своите најдобри играчи забележаа нови победи во НБА лигата.
Пол Џорџ и Каваи Ленард заедно постигнаа 88 поени во победата на Клиперс над Минесота 124:117. Неверојатно звучи податокот дека во првото полувреме Џорџ и Ленард постигнаа 55 од 58 поени на тимот.
На крајот Џорџ мечот го завршил со 46 поени, пет скока, седум асистенции, а Ленард со 42 поени, 11 скока и две асистенции.
На дригата срана доминираа Карл-Ентони Таунс (39 поени, 112 скока) и Ендру Вигинс (34 поени).
ЛА Лејкрес во неизвесен меч ги совладаа Мајами Хит со 113.110. Лејкерс беа поуспешни во пенал-завршницата. На истекот на времето Џими Батлер не успеа да погоди тројка за продолженија.
Батлер беше најефикасен кај Мајами со 23 поени, додека Лејкерс ги предводеа Ентони Дејвис со 33 поени и 10 скока, односно Леброн Џејмс со 28 поени и 12 асистенции.
Хјустон на Флорида го декласираа Орландо Меџик со 130:107. Уште еден неверојатен натпревар одигра Џејмс Харден. „Брадата постигна десет тројки од 15 обиди, а мечот го заврши со 54 поени, пет скока, седум асистенции.
Дуелот во Орландо беше петти од почетокот на сезоната на кој Харден постигнал најмалку 50 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.