Свет
Чешка тинк-тенк организација бара забрана за руските медиуми
Чешка про-НАТО тинк-тенк организација им понуди уште еден непобаран совет за западните влади. Сега тие треба да одбијат да им дадат пристап или интервју на руските медиуми кои, според мудриот „цензор“, не се вистински новинари, пренесува РТ.
На прв поглед, трудот „Стратегија за набљудување на Кремљ“ објавен минатата недела од прашкиот Европски центар за вредности за безбедносна политика, звучи како уште еден самоиницијативен обид да се заработи од антируската хистерија која опфати многумина на Западот во изминатите неколку години.
Постојат околу дваесетина спомнувања на „финансирање“, претежно во контекст на тоа да се повика ЕУ да потроши повеќе пари на независни невладини организации – како што се самите тие, очигледно – за борба против непријателското руско мешање што авторите ги гледаат „под секој кревет“. Дури има и предлог за секоја влада во ЕУ да спроведе своја верзија на истрагата на Милер – која не најде ниту еден доказ за дослух меѓу американскиот претседател Доналд Трамп и Русија, а нејзините докази за руско мешање беа непоткрепени тврдења.
Оваа невладина организација тврди дека сите европски земји треба да престанат да ги легитимираат руските алатки за дезинформација кои се претставуваат како новинарски платформи. Комуникациските канали што ефикасно ги водат руската влада, било да е тоа РТ, Спутник или руските државни ТВ-канали, не претставуваат новинарство, тие едноставно се преправаат дека се медиуми, се тврди во трудот.
Бидејќи Русите немаат слободни медиуми, тврди чешката организација, земјите од ЕУ треба да им забранат пристап на прес-конференциите и да не им овозможуваат пристап што им се дозволува само на новинарите.
Ова не е првпат чешката НВО да се обиде да забрани и бојкотира руски медиуми. Всушност, таа првпат се појави во 2017 година, кога состави „црна листа“ на 2.327 „корисни идиоти“ кои се појавиле на РТ во обид да ги заплашат другите.
Само еден месец подоцна, истата организацијна ја спонзорираше т.н. Прашка декларација, што беше потпишана од еден од најистакнатите пропагатори на „Рашагејт“, заедно со некој по име Бамфри Мекдугол.
Иако е примамливо да се отфрли повикот за цензура заради тоа што потекнува од чешки тинк-тенк со срамно минато, тоа може да биде избрзано. Чешката НВО од 2018 година добива голем дел од финансиите од владите на државите-членки на НАТО – Холандија, Британија, Германија и САД. Тие отворено признаваат дека Лондон е јасен европски лидер во реагирањето на т.н. руска закана, мобилизирајќи го одговорот од ЕУ и финансирајќи голем дел од европското граѓанско општество.
Далеку пострашно е што оваа „препорака“ веќе се спроведува до одреден степен. Владата на САД ги повлече акредитациите на „РТ Америка“ во 2017 година откако го принуди каналот да се регистрира како „странски агент“. Францускиот претседател Емануел Макрон одби да разговара или да ги акредитира РТ или Спутник. Британската влада ги откажа акредитациите на РТ на Конференцијата за слобода на печатот во јули оваа година.
Во февруари Канада ги одби акредитациите на „Спутник“ за состанокот на групата Лима за Венецуела, посветена на промената на режимот поддржан од САД во Каракас. РТ на шпански беше укината во Еквадор откако известуваше за протестите против штедењето, а набргу потоа и во Боливија од неизбраната влада поддржана од САД, која насилно го собори избраниот претседател Ево Моралес за да се пофали од Вашингтон.
Минатиот месец украински активисти се обидоа да ја надвикаат шефицата на комуникации на РТ, Ана Белкина, додека во Стразбур зборуваше за слободата на печатот.
Еднаш е случајност. Двапати е случајност. Толку многу пати е непријателско дејствување. Тука се поставува прашањето дали слободниот говор е навистина либерална европска вредност или, пак, европските вредности и нивните газди што плаќаат веруваат дека овие вредности важат само за нив, а не и за другите?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кадиров: Го замолив Путин да ме разреши од должноста
Лидерот на Чеченската Република, Рамзан Кадиров, изјави дека побарал од рускиот претседател Владимир Путин да го разреши од должноста, среде шпекулациите дека здравствените проблеми наскоро би можеле да го принудат да се повлече.
Кадиров (48) стана шеф на Чеченија во 2007 година, откако беше назначен на таа позиција од рускиот претседател Владимир Путин. Според „Новаја Газета Европа“, Кадиров се подготвува да му ја предаде власта на својот 17-годишен син Адам. „И јас ги слушнав тие гласини. Тие пишуваат секакви работи“, рече Кадиров како одговор на објавите, објави владиниот портал „Чеченија денес“.
„Напротив, јас лично побарав да бидам ослободен од моите должности. Оној што ќе дојде, ќе има свои иницијативи, своја визија. Се надевам дека моето барање ќе биде прифатено“, додаде тој.
Ова не е прв пат Кадиров да зборува за повлекување. Во 2017 година, во телевизиско интервју, тој рече дека тоа ќе биде негова „животна желба“. „Тогаш беше потребен човек како мене да се бори, да воведе ред“, изјави тој за „Росија 1“ во тоа време, според Ројтерс. „Сега имаме ред и просперитет и време е за промени во Чеченската Република.“
Свет
(Видео) Русија и Украина разменија воени заробеници
Русија и Украина денес разменија 205 воени заробеници, соопшти руското Министерство за одбрана.
Во соопштението се вели дека разменетите руски војници моментално се подложени на психолошка и медицинска евалуација во Белорусија, пред да бидат префрлени во Русија на понатамошен третман и рехабилитација.
Ukraine and Russia have conducted a prisoner exchange involving 410 soldiers — 205 from each side — the latest in a series of swaps resulting from their ongoing war. pic.twitter.com/VThBvhGg65
— Radio Free Europe/Radio Liberty (@RFERL) May 6, 2025
„На 6 мај, како резултат на преговарачкиот процес, 205 руски војници беа вратени од територијата под контрола на режимот во Киев. Во замена, беа предадени 205 воени заробеници од вооружените сили на Украина“, објави министерството. Министерството ги пофали посредничките напори на Обединетите Арапски Емирати во реализацијата на размената и изрази благодарност за хуманитарната поддршка.
Украинскиот претседател Володимир Зеленски го потврди враќањето на украинскиот персонал, истакнувајќи дека групата вклучува припадници на различни гранки на војската, вклучувајќи ги и бранителите на Мариупол.
Зеленски изјави дека ослободените војници биле притворени на повеќе локации низ Русија и им се заблагодари на сите вклучени во преговорите, вклучително и на ОАЕ, за нивната улога како посредници.
Тој ја повтори посветеноста на Киев да обезбеди враќање на сите притворени Украинци. Оваа размена следува по претходната, одржана на 19 април, кога Русија и Украина ја извршија најголемата размена на затвореници од почетокот на конфликтот, ослободувајќи по 246 лица.
Свет
Канадскиот премиер: Канада никогаш нема да биде на продажба; Трамп: Никогаш не вели никогаш
Канадскиот премиер Марк Карни изјави денес од Овалната соба во Вашингтон дека „Канада не е на продажба и никогаш нема да биде“, само неколку минути откако актуелниот американски претседател Доналд Трамп изјави дека границата меѓу САД и Канада е „вештачка“ и повторно фантазираше за идејата Канада да стане дел од САД, пренесуваат медиумите во регионот.
Трамп рече дека двајцата нема да разговараат за „анексијата“ на Канада од страна на САД, освен ако, како што рече, „ако некој не го сака тоа“. Тој додаде дека во случај на „прекрасен брак“ на двете земји, Канада би имала „огромна корист“. Актуелниот американски претседател постојано јавно ја споменуваше идејата, и покрај тоа што канадското раководство постојано ја отфрлаше.
„Знаете, јас сум градежен изведувач во срцето“, им рече Трамп на новинарите. „Кога таа вештачки нацртана линија ќе се отстрани, кога ќе ја погледнете таа прекрасна формација кога е споена, јас сум многу уметнички човек.“
Карни брзо возврати, користејќи јазик за кој мислеше дека Трамп ќе го разбере: „Знаете, од светот на недвижностите – има места каде што едноставно не се продаваат. Ние сме во едно од нив во моментов. Вие ја посетивте Бакингемската палата. И откако разговарав со „сопствениците на Канада“ во последните неколку месеци, можам да ви кажам – Канада не е на продажба. Никогаш нема да биде. Но, можноста е во партнерството и во она што можеме да го изградиме заедно“, рече Карни.
На прашањето дали таквото одбивање ја отежнува соработката во трговијата и другите прашања, Трамп рече не, но додаде: „Но, знаете што велат – никогаш не вели никогаш“.
Ова беше прва средба меѓу Трамп и Карни откако новиот канадски премиер ја презеде функцијата. Карни претходно вети дека ќе заземе цврст став кон Вашингтон, особено во врска со трговските спорови и граничните прашања.
Трамп ја започна средбата честитајќи му на Карни за победата, додавајќи: „Јас сум веројатно најдоброто нешто што му се случило“. „Ќе бидеме пријатели со Канада“, рече претседателот. „Без разлика што ќе се случи, ние ќе останеме пријатели.“
Кога беше прашан за царините, Трамп беше јасен дека Карни нема да чуе ништо што би довело до укинување на американските царини за канадските производи. Карни одговори дека тоа е „тема за поширока дискусија“.
Односите меѓу САД и Канада значително се влошија поради царините на Трамп и неговите изјави дека Канада треба да стане 51-ва држава на САД.
Уважена жалбата на Асмир Јахоски: излегува од притвор со парична гаранција
Апелациониот суд Скопје информира дека постапувајќи по кривичниот предмет KСЖ-406/25, на нејавна седница одржана на ден 06.05.2025 година, ја уважиl...
Обвинение против вкупно 10 лица за злоупотреби во РЕК Битола
Основното јавно обвинителство Битола поднесе обвинение против 7 лица кои се осомничени дека како соизвршители сториле кривично дело – Злоупотреба...
(Видео) Нови ценовни шокови за граѓаните, власта нема решение, обвини СДСМ
Граѓаните се соочуваат со нови ценовни шокови по маркетите и продавниците. Цените повторно се покачени по истекот на мерката за...
10-годишно девојче со тешки повреди донесено во болница во Прилеп: со возило ја прегазил нејзиниот 7-годишен брат
Вчера во 18.55 часот во Полициската станица Прилеп, од Општа болница „Борка Талески“ Прилеп било пријавено дека кај нив со...
Кривична против поранешен директор на Здравствен дом Куманово: незаконски вработил вкупно 127 лица
СВР Куманово поднесе кривична пријава против Ф.А. од Куманово поради постоење основи на сомнение за сторено кривично дело „злоупотреба на...
Пороен дожд, грмежи, силен ветер и изолирана појава на град: УХМР најави невреме за среда
Од УХМР известуваат дека под влијание на влажна и нестабилна воздушна маса во текот на оваа седмица времето ќе биде...
„Пливачите останаа на цедило – министерот Борко плива во тишина и безидејност“, велат од партијата Левица
„Министерот за спорт, Борко Ристовски се нама огласено по затворањето на базенот „Борис Трајковски“, а ветуваше брзо и ефективно решавање...
Обвинение против 59-годишник за полов напад врз дете: го допирал малолетникот во парк во Чаир
Основното јавно обвинителство Скопје, по спроведена претходна постапка, поднесе обвинение против 59-годишник кој се товари за полов напад врз малолетник,...
Фридрих Мерц не ја доби поддршката за нов канцелар на Германија
Конзарвативниот германски лидер на Христијанско-демократската унија (CDU/CSU) Фридрих Мерц не успеа да го обезбеди потребното мнозинство во Бундестагот за да...
Украл автомобил со мало девојче внатре: драма на бензинска пумпа во Србија
Полицијата во Обреновац од синоќа бара „Пунто“ кое еден маж го украл од бензинска пумпа, забрзал и избегал, објави „Телеграф.рс“....
Министерка на Трамп до Харвард: Нема потреба повеќе да барате владини пари, нема да ги добиете
Министерството за образование на САД во понеделник го извести Универзитетот Харвард дека ги замрзнува милијардите долари наменети за идни истражувачки...
Тошковски склучил скандалозен тендер од 500.000 евра со фирма која ДПМНЕ ја обвинувало за корупција, обвини Левица
На 25 март, министерството на Панче Тошковски склучило скандалозен тендер во вредност од 575.000 евра со компанијата „Дон Холдинг”, фирма...
(Видео) Москва нападната со дронови, затворени сите аеродроми
Русија соопшти дека Украина синоќа извршила напад со беспилотни летала насочени кон Москва. Сите четири главни аеродроми во Москва беа...
На многумина ќе им бидеме пречка, но како премиер нема да отстапам од правото да говориме на македонски, јазикот е нашиот неспорен идентитет, вели Мицкоски
Пред осумдесет години, на оваа почва, се кодифицираше македонскиот литературен јазик. Тоа беше повеќе од административен чин. Тоа беше признавање...
Љутков: Македонскиот јазик низ историјата помина низ многу предизвици и тешкотии
Министерот за култура и туризам Зоран Љутков денеска се обрати на Свечената академија по повод 80-годишнината од кодификацијата на македонскиот...
Поевтинуваат дизелот и бензините
Цените на горивата од ноќеска на полноќ ќе поевтинат за половина и за еден денар, соопшти Регулаторната комисија за енергетика,...
Мицкоски му даде две опции за избор на Таравари, да остане во Влада или да оди со ДУИ: Во политиката образот или го имаш или го немаш
Премиерот Христијан Мицкоски денес во Штип потврди дека попладнево ќе се сретне со лидерот на едно крило од Алијанса за...
Семејно насилство во Охрид: татко ја истепал ќерка си, по што се вклучиле и други членови на семејството
Денеска во 00.15 часот во СВР Охрид е пријавено дека Р.Б. од Охрид физички ја нападнал неговата ќерка, по што...
(Фото) Каде заглави реконструкцијата на тротоарите на „Владимир Комаров“, прашува СДСМ Аеродром
„Неспособноста на ВМРО-ДПМНЕ и Дејан Митески во Општина Аеродром е видлива буквално на секој чекор. Реконструкцијата на тротоарите на половина...
Дали Филипче ќе учи од Заев како да профитира со лажни идентитети и како се штанцаат пасоши за 215 белосветски криминалци, прашува ВМРО-ДПМНЕ
„СДС и Заев 7 години беа заштитници на криминалот и криминалните банди. СДС, Заев и Спасовски им дадоа пасоши на...
