Спорт
Гвардиола: Не знам што ќе се случи со Артета
Тренерот на фудбалерите на Манчестер сити, Пеп Гвардиола, потврдил дека неговиот помошник Микел Артета имал преговори со Арсенал.
Британските медиуми во понеделникот објавија фотографии на челник на Арсенал како излегува од домот на Артета. Пред мечот со Оксфорд, на прес-конференцијата Гвардиола рекол дека Артета бил „неверојатно искрен“ во врска со неговите преговори со Арсенал.
„Преговара со Арсенал, но јас не знам што ќе се случи…бВозрасен човек е, знае што треба да прави. Неверојатен е како личност, добар тренер е има неверојатна работна етика…Поради тоа е со нас“, рекол Гвардиола.
Артета, кој во кариерата од 2011 до 2016 година играл за Арсенал, му асистира на Гвардиола во Сити од 2016 година.
Арсенал минатиот месец го отпуштија тренерот Унаи Емери и како привремено решение го назначија Фреди Љунберг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА потврди – 26 наместо 23 играчи на ЕУРО 2024
Репрезентациите кои ќе учествуваат на претстојното Европско првенство во Германија ќе имаат на располагање 26 играчи, потврди УЕФА.
Извршниот комитет на Европската фудбалска унија потврди дека е смнето правилото според кое селекторите на можеа да пријават 23 фудбалери.
Овој предлог беше поддржан претходно оваа година на состанокот на Националниот комитет за натпреварување на УЕФА.
Идејата за прв пат беше претставена на селекторскиот собир во Дизелдорф.
Оваа измена беше предложена поради згуснатиот распоред оваа сезона и ризикот од повреди.
Претставниците на Националниот натпреварувачки комитет во петокот и официјално го заверија сето она што беше претходно предложено, договорено и прифатено од мнозинството.
Европското првенство ќе се одржи од 14 јуни до 14 јули во Германија.
Спорт
Клоп се жали на распоредот: Криминал е ова што ни го прават
Пренатрупаниот распоред на натпревари го натера менаџерот на Ливерпул, Јирген Клоп, уште еднаш да проговори на оваа тема. Германецот кој си заминува од Ливерпул на крајот на сезоната застана во одбрана на своите играчи и рече дека само чека агенцијата за заштита на човековите права да интервенира во креирањето на распоредот.
„Распоредот е апсолутно луд. Не е нормално Ливерпул да игра натпревар во сабота во 12:30. Никогаш повеќе нема да ја гледам телевизијата ТНТ (го емитува овој натпревар). Мора да играме четврток, недела, среда и сабота во 12:30 часот ова што ни го прават е криминал“, изјави Клоп.
Ливерпул е тим со голем број навивачи ширум светот и затоа игра во посебни времиња, што е прилагодено на носителите на телевизиските права. Избраниците на Клоп доживеаја серија неуспеси, поради што речиси отпаднаа од трката за шампионската титула.
Спорт
Модриќ мора да се прифати два услови доколку сака да остане во Реал
Лука Модриќ има договор со Реал до крајот на сезоната и се уште не е познато каде ќе игра 38-годишниот играч за врска следната сезона. Желбата на Модриќ е да остане во Реал, но има голем број понуди од други клубови.
Капитенот на хрватската репрезентација го бараат Динамо, саудиски клубови, екипи од МЛС лигата, а се почесто се зборува и за интересот на Јувентус.
Карлос Карпио, новинар на „Марка“, откри дека Модриќ мора да прифати два услови доколку сака да остане во Реал. Мора да прифати да биде резерва и да прифати значително намалување на платата. Модриќ наводно заработува околу 20 милиони евра по сезона.
„Се сомневам дека ќе остане во Реал, но ако остане, тоа ќе биде со помала плата. Модриќ не прифати добро ниту една одлука на Анчелоти да биде резерва. Легендите никогаш не се послушни замени“, вели Карпио.
Модриќ сезонава забележа 40 настапи, два гола и шест асистенции. Хрватото во Реал пристигна во 2012 година од Тотенхем за 35 милиони евра.