Црна хроника
Во судир на два автомобила кај Куманово тешко повреден човек кој стоел отстрана
Еден тешко повреден и четири оштетени возила се последица од сообраќајка на автопатот Куманово – Табановце, која се случила во попладневните часови на 17 декември.
Во судирот во близина на селото Долно Коњаре учествувале „мерцедес“, со кумановска регистрација, управуван од 53-годишен жител на Ваксинце, и автомобил „дачија логан“, исто така со кумановски регистарски ознаки, управуван од 23-годишник од Табановце.
Притоа, „мерцедесот“ удрил и во паркирано комбе „фиат дукато“ и паркиран „форд галакси“, чиј сопственик стоел покрај автомобилот и од ударот добил тешки повреди. Станува збор за 45-годишен жител на кумановското село Черкези, кој итно бил пренесен во кумановската општа болница за укажување лекарска помош.
Полицијата извршила увид на местото на настанот и работи на расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.