Македонија
Сведок на судењето за смртта на Пино: Фуркан рече дека убиле човек, а Ангела потврди
Сведокот Анета Георгиева во исказот пред судот за случајот со убиството на Пино Секондо рече дека во декември 2018 година дошле кај неа во 6 часот наутро Фуркан Али и Ангела Ѓорѓиевска, кои се товарат за убиството на младиот Пино Секондо. Таа се разлутила зошто ја будат толку рано, а кај неа биле приближно еден час.
По одредено време, Фуркан и’ рекол: „Убивме човек“. „Ја погледнав Ангела и таа кажа – ‘да’ и толку беше. Им реков сериозни ли сте? Тие рекоа ‘да’ и ја сменија темата”.
Сведокот кажа дека Ангела и Фуркан биле дечко и девојка и дека не делувале воопшто потресени кога биле кај неа. „Двајцата беа најнормални”, рече Ѓоргиева.
Претходно сведочеше Рамиз Али, кој кажа дска бил до скопски Синѓелиќ да го собере Фуркан со девојка и дека под скалите во неговиот дом Фуркан нашол јакна под која било оставено оружје. Тој не можеше да се сети кое било женското лице кое било во возилото со Фуркан.
Дваесет и двегодишната скопјанка Ангела Ѓорѓиевска е обвинета како соучесник во убиството на тогаш 26-годишниот Секондо, настан кој се случи на 11 декември лани. По првоосомничениот Фуркан Али полицијата сè уште трага.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.