Македонија
(Видео) ВМРО-ДПМНЕ предлага итни мерки поради загадувањето на воздухот
Владата не се гледа ни физички, а ни по дела, смогот го голта Скопје, а власта не прави ништо. Нивото на канцерогените ПМ 10-честички во раните утрински часови во Скопје, Битола, Тетово, Струмица, Кавадарци и во Куманово е и до 15 пати над дозволеното, порача портпаролот на ВМРО-ДПМНЕ, Наум Стоилковски.
„Болниците се полнат, сообраќајни незгоди се случуваат поради намалената видливост, а Заев и Шилегов со прст не мрдаат. Загаденоста е директна последица на Зоран Заев, кој ѝ овозможи на бизнис-олигархијата блиска до врвот на СДСМ да гори кокс со 18 отсто сулфур и обоен текстил, кои никаде во Европа не се горат и се носат тука во Македонија. Граѓаните се трујат. Труе власта. Состојбата е алармантна и потребни се итни мерки.
Со цел превентивна заштита на граѓаните, потребна е итна имплементација на следните три мерки:
1. Бесплатен јавен превоз во автобусите на ЈСП додека загадувањето не се намали и состојбата со загадениот воздух во Скопје не се нормализира;
2. Инспекциски надзор и затворање на погоните што загадуваат;
3. Ослободување од работа луѓе над 60-годишна возраст, хронично болни и трудници.
Овие мерки Зоран Заев и Петре Шилегов треба да ги прифатат и да стапат во сила уште веднаш. Нивната неспособност и игнорантскиот однос нè донесе до овде. Потребно е итно дејствување“, предупреди Стоилковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.