Регион
Нова средба на Заев, Вучиќ и Рама во Тирана
Во Тирана денеска и утре се одржува третиот состанок во рамки на иницијативата која ја покренаа македонскиот премиер Зоран Заев, српскиот претседател Александар Вучиќ и албанскиот премиер Еди Рама, со цел отстранување на пречките за слободен проток на стоки, луѓе, услуги и капитал.
Според најавите на домаќинот Рама, целта е да се имплементира она што повеќепати е договарано, а потоа оставано на страна.
Состанокот претходно беше планиран да се одржи во Драч, но поради разорниот земјотрес што го погоди овој албански град, сега средбата ќе биде во Тирана. Се очекува тројцата да го посетат Драч и да разгледаат начини за пружање помош во вонредни ситуации, климатски промени и заштита на животната средина.
На манатиот состанок во Охрид беше постигнат договор со кој се почна реализацијата на иницијативата, со цел унапредување на инвестицискиот амбиент во трите земји.
Меѓудругото, беше договорено 24-часовно работно време на сите инспекциски служби, побрз транзит на стоки, патување во трите земји само со лична карта, како и работните дозволи да се признати во трите земји, како и дипломите. Иницијативата е отворена и за другите пазари во регионот, но претставници на Босна и Херцеговина и Црна Гора изјавија дека немаат дефиниран или позитивен став за иницијативата.
Пред хотелот во Тирана, каде што се одржува самитот, беше организиран и протест против посетата на српскиот претседател Александар Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.