Македонија
Демократски сојуз: Партиите да не вршат притисок врз медиумите и да не шират лажни вести

Демократскиот сојуз го поздравува донесувањето на Регистерот на професионални онлајн медиуми што го промовираа Здружението на новинарите на Македонија и Советот на етика во медиумите во Македонија со поддршка на Стопанската комора, кој ќе биде достапен за јавноста од 1 јануари 2020.
„Уверени сме дека оваа алатка за саморегулација на медиумите ќе помогне за зајакнување на професионалното новинарство во онлајн сферата и во борбата против лажните вести од кои е загрозена нашата демократија. Ги повикуваме онлајн медиумите-порталите за вести, кои се уште не се дел од регистерот да ги почитуваат професионалните стандарди и новинарската етика и што поскоро да станат дел од овој регистер. Ги повикуваме и новинарите од другите традиционални печатени и електронски медиуми да известуваат професионално, одговорно и отчетно и да се приклучат во саморегулацискиот механизам на Советот на етика во медиумите.
Истовремено, ги повикуваме и надлежните органи да не го злоупотребуваат Регистерот на професионални онлајн медиуми со ускратување на правата на информирање и акредитација на новинарите чии медиуми се уште не се дел од регистерот и да се воздржат од поднесување тужби за навреда и клевета.
Демократскиот сојуз е уверен дека слободното и професионално новинарство е најважната алка на демократијата. Во предизборниот период што следува, улогата на медиумите е од исклучителна важност за еднаков пристап до јавноста на сите политички понуди. Поради тоа, ги повикуваме партиите од власта и опозицијата да ја почитуваат слободата на печатот, да не вршат притисок врз новинарите при нивното известување и да се воздржат од негативна кампања со пласирање лажни вести и измислени информации за своите политички противници, користејќи го своето влијание во медиумите.
Демократскиот сојуз ги повикува партиите од власта и опозицијата во овој кус временски период што преостанува до распуштање на Собранието предвидено за 12 февруари, да демонстрираат политичка волја и да ги изгласаат составот на Советот на Агенцијата за аудио и аудиовизуелни медиумски услуги и на Програмскиот совет на Македонската Радио Телевизија кои се заглавени во собраниската комисија.
Кредибилен, професионален и независен кадровски состав на овие две тела е од исклучителна важност за професионалното известување на јавниот радиодифузен сервис и на комерцијалните радио и ТВ медиуми во периодот на изборите“ соопшти Демократскиот сојуз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
32-годишен скопјанец осомничен за разбојништво во Бучимци: маскиран и со ловечки нож ограбил соселанец

Јавен обвинител од Основното јавно обвинителство Скопје поведе постапка против едно лице осомничено за кривично дело – Разбојништво од член 237 став 4 во врска со став 1 од Кривичниот законик.
Осомничениот 32-годишен скопјанец, на 18 август, маскиран со маица со која си го покрил лицето и капа, преку незаклучена влезна врата влегол во домот на негов соселанец во селото Бучимци. Во рацете држел ловечки нож и кога во една од собите го затекнал сопственикот, му се заканил дека ќе го убие ако не му даде пари.
Оштетениот, исплашен за својот живот, извадил 4.000 денари од комодата, но го замолил разбојникот да му дозволи да задржи барем 1.000 денари, бидејќи му се неопходни.
Осомничениот се согласил и го напуштил местото со 3.000 денари кои противправно ги одзел од сопственикот.
Јавниот обвинител до судијата на претходна постапка достави предлог за определување мерка притвор за осомничениот, бидејќи постојат околности кои укажуваат на опасност од бегство, можност за влијание врз сведокот/оштетен со заплашување и уценување, како и можност да го повтори делото.
Македонија
Зголемена фреквенција на возила на граничните премини Табановце и Богородица

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП „Табановце“ времето на чекање за влез е околу 20 минути, за излез е околу 40 минути.
На ГП „Богородица“ времето на чекање за излез знесува околу 20 минути, додека на останатите гранични премини од македонска страна нема подолги задржувања при влез или излез од државата.
Македонија
Вицепремиерот Николоски во Будимпешта на прослава на Националниот ден на Унгарија

Вицепремиерот Александар Николоски на покана на премиерот на Унгарија, Виктор Орбан, присуствува на Националниот ден кој се слави во чест на Свети Стефан основачот на унгарската држава и христијанството во Унгарија.
Покрај учеството на прославата на националниот ден, предвидени се повеќе средби со високи претставници на владата на Унгарија, неколку министри и потенцијални инвестиции. На средбите е предвидено да се разговара за динамиката на проектите во Македонија како и за идната засилена економска соработка помеѓу двете држави.
Посетата на вицепремиерот е уште една потврда за одличното пријателство и соработката помеѓу Македонија и Унгарија, се додава во соопштението на Министерството за транспорт.