Спорт
Елмас во 94. минута донесе прва победа на Наполи од октомври, но му го „зедоа“ голот! (видео)
Македонскиот репрезентативец Елиф Елмас целосно ја искористи шансата која му ја пружи новиот тренер на Наполи, Џенаро Гатузо, постигнувајќи го победничкиот гол за 2:1 триумф на гости кај Сасуоло во 94. минута од мечот!
Гостувањето кај Сасуоло, тим кој нема пораз во последните четири меча, беше вистински тест за „изддржливоста“ на тимот на Гатузо против незгоден противник и на крајот останува јасно дека на „Сан Паоло“ им претстои голема работа.
Сасуоло дојде во водство по неполни половина час игра, кога Хамед Траоре ја спроведе топката во голот на Мерет по една висока и долга топка од Мануел Локатели. Нападите на Наполи останаа без резултат до 57. минута од мечот, кога Алан по една убава акција од работ на шестнаесетникот постигна прекрасен гол.
Гатузо му даде шанса на македонскиот репрезентативец Елиф Елмас во последните 20 минути од мечот како замена за Фабијан Руиз, и интензитетот во нападот прво донесе пречка на Калехон во 78. минута, а потоа и поништен гол од офсајд на Шпанецот во 82. минута од мечот.
Сепак, трите поени отпатуваа во Неапол откако по корнер во претпоследната минута од судиското продолжение Елмас ја уфрли топката во мрежата на домаќините за големи три поени и за зголемување на самодовербата. Сепак, по разгледувањето на снимките, голот е „запишан“ како автогол на Обијанг, иако се гледа дека тие „заеднички“ ја туркаат топката во голот, Обијанг со нога, а Елмас со глава. За првиот официјален гол, Елмас ќе мора да почека.
Наполи се само осми во Серија А со 24 поени, додека Сасуоло се на 13. место на табелата со 19 поени.
Eljif Elmas attı galibiyeti getirdi
Sassuolo 1-2 Napoli
Tüm Goller için • @KramponSport pic.twitter.com/9iJ5GgHloP
— Golazoooo (@GolSuperLig) December 22, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.
Спорт
Јасикевичиус го сака Димитријевиќ во Фенербахче
Актуелниот МВП во ВТБ лигата, македонскиот репрезентативец, Ненад Димитријевиќ, од наредната сезона веројатно ќе игра во Евролигата.
Кошаркарот на Уникс, со просек од 19 поени по меч, 6,6 асистенции, 3,3 скока и 1,3 украдени топки го обележа регуларниот дел од сезоната во ВТБ лигата.
Според информациите на турските медиуми, Димитријевиќ е на мета Фенербахче. Тренерот Шарунас Јасикевичиус изразил желба да го види Димитријевиќ во својот тим. .
Фенербахче ќе направи реконструкција на плејмејкерската позиција, извесно е дека тимот ќе го напуштат Гркот Ник Калатес и Израелецот Јам Мадар.
Спорт
МЗТ загуби од Спартак Суботица
Фото/ Петр Стојановски/ АБА2
Кошаркарите на МЗТ го загубија првиот полуфинален натпревар во АБА 2 лигата. Вечерва во Скопје, МЗТ доживеа пораз од Спартак 73:78 (15:23, 16:12, 24:17, 18:26).
Лошата игра во првиот дел во кој му дозволија на гостинот апсолутна доминација во скокот го однесе МЗТ во пораз. Спартак, најдобриот тим во регуларниот дел од сезоната, преку скокот ја контролираше играта. Одличната секвенца на Војдан Стојановски во финишот на полувремето го доближи МЗТ на само четири поени негатива.
Американецот Гилион одлично го започна вториот дел, со седум поени во низа го врати МЗТ во водство. Се одлепи МЗТ на пет поени (55:50) во финишот на третиот период и тука застана.
Спартак предводен од Гордиќ стекна предност од 10 поени, предност која МЗТ успеа да ја преполови.
Војдан Стојановски со 20 поени, по три скока и асистенции и шест украдени топки го предводеше МЗТ. Двоцифрени беа и Делалиќ со 13, Танасковиќ со 12 и Гилион со 11 поени. Кај Спартак се истакна Гордиќ со 16 поени и шест асистенции.
Реваншот се игра за една недела во Суботица.