Спорт
Не е само Де Хеа – Масимо Таиби ја направи најбизарната грешка во Премиер лигата (видео)
Давид де Хеа во текот на викендот направи огромен голмански кикс примајќи смешен гол од Вотфорд (при 2:0 поразот на Манчестер јунајтед), но „ѓаволите“ се познати по вакви киксови, како можеби најславната голманска грешка во Премиер лигата, дело на Италијанецот Масимо Таиби.
Иако поминаа 20 години, Таиби признава дека грешката го следи.
Во 1999 година, Таиби пристигна на „Олд Трафорд“ за сума од 4.5 милиони фунти, кога на гости дојдоа Саутемптон. Јунајтед водеа со 2:1, кога легендарниот Метју Ле Тисие шутна од над 30 метри, но обидот не беше добар така што дури и самиот напаѓач се сврте кон одбраната. Но, Таиби се постави зад топката, клекна да ја собере со две раце и дозволи топката да заврши во голот.
„Кога голман ќе направи грешка, неговата грешка секогаш е очигледна. Секако, соиграчите ме поддржаа во тој момент. Пред мечот Пол Сколс дојде и ми кажа: ’Внимавај на Ле Тисие’. Му кажав: ’Тоа е стариот?’. Кога ми даде гол Сколс дојде и се насмеа: ’Виде што ти направи стариот?’“, вели Таиби.
Таиби требаше да биде замена за Петер Шмајхел, кој си замина по освојувањето на тројната титула – Марк Боснич имаше проблеми со играта (и со кокаинот), а Рајмонд ван дер Гув и така беше само „резервист“. Таиби дојде од Венеција.
„Почнав многу добро во лигата против Ливерпул и добив награда за најдобар фудбалер на мечот. Но, тогаш дојде Саутемптон“, вели Таиби.
По ова тој доживеа уште една срамота, 5:0 поразот од Челси по што еден наслов во англиските медиуми го нарече „Слепецот од Венеција“. По четири меча, неговата кариера во Јунајтед беше готова, но тој не се лути.
„Зборуваме за феноменален тим и горд сум што сум дел од историјата, дури и на ваков начин“, вели Таиби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.