Црна хроника
Фатен познат велешки наркодилер
Познат нарко дилер од Велес, во среда бил приведен, откако претходно најден со половина килограм хероин кај штипјанец на Граничниот премин „Табановце“, довел до него, по што му е одреден притвор од 30 дена.
Одделот за недозволена трговија со дрога при Центарот за сузбивање на организиран и сериозен криминал во Велес го лиши од слобода е Г.К.(28) од Велес познат нарко дилер и осомничен организатор на транспорт на наркотична дрога – хероин на релација Македонија – западна Европа.
Имено, на 3 ноември, на ГП „Табановце“ на излез од Македонија биле запленети половина килограм наркотична дрога хероин.
При претресот на багажот на патникот К.А.(22) од Штип кој патувал со автобус од Македонија до Австрија, во долниот дел на ранецот во дупло дно кој го носел со себе била пронајдена наведената количина на хероин.
Од спроведената истрага е утврдено дека организатор на транспортот на хероинот е македонскиот државјанин Г.К. од Велес, кој го ангажирал К.А. и непосредно пред да тргне на пат му го предал ранецот во кој претходно бил сокриен хероинот да го транспортира кон Австрија.
Во среда, по претходно обезбедени наредба од Истражен судија извршен е претрес во домот на Г.К. во Велес, кој при влегувањето на полициските службеници се обидел да избега, но бил фатен и лишен од слобода.
При претресот се пронајдени предмети кои ја потврдуваат неговата инволвираност во транспорти на хероин од Македонија кон земјите од западна Европа.
Од страна на Истражен судија од Основен Суд Скопје 1 Скопје на осомничениот му е одредена мерка притвор во трање од 30 дена./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Истрага за две разбојништва во Скопје: тетовец со закани со скалпер се заканувал кон вработените и крадел пари од обложувачници
Јавен обвинител од Основното јавно обвинителство Скопје донесе Наредба за спроведување истражна постапка против 25-годишник од тетовско Боговиње поради сомнение дека сторил две кривични дела – Разбојништво согласно член 237 став 4 во врска со став 1 од Кривичниот законик.
На 12 септември влегол во обложувалница на улицата “Никола Тримпаре” и со опасно орудие – скалпер се заканил по животот на една вработена и одзел 211.680 денари од сефот и касата.
На 14 септември, на сличен начин, од обложувалница во трговскиот центар “Лептокарија”, заканувајќи се со скалперот на еден вработен, одзел 80.250 денари.
Бидејќи постои опасност од бегство, можност да ја попречува постапката и да го повтори делото, јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Црна хроника
Кучиња скитници искасаа жители во Скопје
Вчера во 18.45 часот во Полициска станица Аеродром, А.Љ.(43) од Скопје, пријавил дека на бул.„Трета Македонска Бригада“ во Скопје бил каснат од куче скитник.
Истиот ден во 12.35 часот во Полициска станица Гази Баба, С.С.(40) од Скопје пријавил дека на ул.„Методија Андонов Ченто“ во Скопје бил каснат од куче скитник.
Синоќа околу 21.00 часот во Полициска одделение Петровец, С.П.(44) од с.Петровец, скопско пријавила дека во с.Катланово била касната од куче скитник.
Црна хроника
Малолетник споделил експлицитни фотографии од неговата малолетна девојка на интернет, во ПС Драчево бил извршен службен разговор
Вчера во Полициската станица Драчево бил извршен службен разговор со малолетник од скопско, постапувајќи по претходна пријава дека на социјална мрежа споделил фотографии со експлицитна содржина од неговата малолетна девојка, извести МВР.
По целосно документирање на случајот ќе следува соодветна пријава.