Спорт
Лестер ја продлабочија кризата на Вест Хем, Тотенхем се спасија кај Норич
Фудбалерите на Лестер забележаа победа во Лондон над Вест Хем (2.1), додека Тотенхем одиграа нерешено (2:2) кај последно пласираниот Норич. Лестер годината ќе ја завршат со 42 бода на второто место, а Тотенхем се на 30 поени и кога ќе биде комплетирано 20 коло ќе бидат шести, седми или осми на табелата.
Менаџерот на Лестер, Брендан Роџерс, пред мечот со Вест Хем изврши девет измени во однос на тимот кој беше поразен од Ливерпул пред два дена. Тоа воопшто не се почиватвува во играта на „лисиците“ победија 2:1, а победата можеше да биде и изразена со повеќе голови, меѓутоа Греј не реализираше пенал во првиот дел при резултат 0:0.
Првиот гол на мечот го постигна Нигериецот Ихеначо во 40 минута. Домаќините пет минути подоцна израмнија преку Форналс.
Конечниот резултат го постави Греј во 56 минута. Асистент за два гола на лестер беше Ајозе През.
Вест Хем го забележаа четвртиот пораз во низа на домашен терен. На табелата „чеканите“ се на 17 место со само 19 поени. Многу е веројатно дека тренерот Мануел Пелегрини ќе добие отказ.
Тотенхем, како и пред два дена пртив Брајтон, одиграа лош натпревар во Норич каде спасија бод во 85 минута.
Марио Вранчиќ го постигна првиот гол за Норич. Тој потоа му асистираше на Пуки чии гол го поништи ВАР. Во второто полувреме Ериксен погоди на брилијантен начин од слободен удар, потоа Орие си постигна комичен авто-гол, а Кејн од пенал ги постави конечните 2:2.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.