Свет
Кримските Татари до Зеленски: Украина треба да порасне
Претседателот на кримската регионална национално-културна втономија на кримските Татари, Ејваз Умеров изјави дека обраќањето на украинскиот претседател Владимир Зеленски до кримските Татари во својот новогодишен говор е комична ситуација и ги повика украинските власти да пораснат и да го признаат изборот на Крим да живее во составот на Русија, пренесува „Спутник“.
„Ова е комична ситуација. Украинскиот претседател во своето обраќање наместо одговор на нередот што сè уште трае во земјата, не ги заборави кримските Татари, изговарајќи реченица на кримско-татарски јазик и заклучи дека сите сме Украинци“, изјави Умеров за „Спутник“.
„Не можам да се согласам со претседателот Зеленски. Ние сме дел од мултинационална Русија и со нас сè беше во ред во 2019 година, а ќе биде уште подобро во 2020 година. Најдобриот подарок што Украина може да ни го даде годинава е да порасне и да го препознае нашиот избор во корист на нашиот дом Русија“, истакна Умеров.
Тој смета дека фразата на кримско-татарски јазик не требало да им биде упатена на Кримјаните, туку на лидерите на организацијата Меџлис на кримско-татарскиот народ кои избегале од Крим по повторното обединување со Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.