Регион
Моника сведочеше пред полицијата: Тој ме потстрижуваше, ме мачеше и ме тепаше
„Тој ме потстрижуваше, ме мачеше и ме тепаше. Ми рече дека полицијата ќе нè убие и двајцата. Ме тераше да пешачам пет или шест часа и ме потстрижуваше малку по малку. Ми правеше лоши работи. Постојано ми велеше дека полицајците нема да го уапсат само него, туку и мене“, сведочи 12-годишната Моника од околината на Ниш којашто девет дека помина во заложништво на осуден силувач, кој е во бегство.
„Ме мачеше секој ден. Ми кажуваше дека полицајците ќе нè убијат и двајцата ако нè фатат. Бев многу исплашена“, им раскажа на полицајците Моника Каримановиќ (12), која беше киднапирана на 20 декември од Нинослав Јовановиќ, познат како „малчански бербер“, пишува Новости.рс.
По девет дена ропство, девојката им кажала наполицајците за деталите за нејзиното киднапирање и открила дека Јовановиќ ја пресретнал на улица на патот кон училиште во Брзи Брод. Тој ја носел заедно со него во претходно подготвени селски куќи и напуштени викендички во селата меѓу Ниш и Књажевац.
„Додека одев на училиште, тој го запре автомобилот до мене и ми рече дека се изгубил, затоа што патот бил затворен за изградба извесно време. Тој ми рече дека добил работа во училиштето како домар. Ме замоли да влезам во автомобилот, да му покажам како да стигне до училиштето затоа што и тој оди натаму. Меѓутоа, штом влегов во автомобилот, тој ме возеше до гробиштата, а потоа ме однесе во шумата“, рекла Моника пред полицијата.
Монструмот потоа и ја поскратил малку косата, по што започнала страшната физичка и психичка тортура.
Јовановиќ десет дека ја плашел со полицијата, поради што Моника кога ги видела полициските службеници кои дошле да ја спасат, била многу исплашена. Таа во паника им викала „Не тепајте ме, ве молам … Јавете се кај мајка ми …“.
Јовановиќ бил забележан во неделата во селото Пасјача во Зворник, каде се криел во напуштена куќа. Сопственикот на куќата, Емил Живковиќ, вели дека тој ден решил да помине со неговиот син во Пасјак за да види дали е сè во ред со викендичката.
„Ја видовме отворена вратата на куќата и слушнавме дека има некој горе, па ја повикавме полицијата. Сепак, монструмот скокна од прозорецот, па го прескокна тремот и почна да бега. Мојот син викна дека има пиштол, иако тоа не беше вистина, обидувајќи се да го исплаши манијакот, но овој викна дека има и тој и побегна. Полицијата пристигна по кратко време и ја најде киднапираната девојка на горниот кат. Таа беше исплашена, смрзната, гладна“, рече Живковиќ.
Стотици полицајци ја продолжуваат потрагата по киднаперот. Откриени се дури 12 локации на потегот од Књажевац до Ниш каде што педофилот криел храна и вода.
Александра Каримановиќ, мајка на Моника, рече дека нејзината ќерка се чувствува добро и спиела преку ноќ.
„Спиев со неа и не сакав да ја мачам со прашања за тоа што се случило. Моника беше премногу уморна, заспа брзо и спиеше цела ноќ. Се чувствува добро. Таа се распрашува за татко ѝ, брат ѝ, пријатели од училиште “, вели Александра.
Според неа, Моника комуницира со лекарите и медицинските сестри сосема нормално.
„Таа е мојата лавица, таа е похрабра од мене трипати. Разговара со лекарите, свесна е за сè, измачена е, но ќе закрепне“, вели таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.