Спорт
Михајловиќ: Сега, секој момент ми е драгоцен

Тренерот на Болоња, Синиша Михајловиќ во неверојатно отворено интервју со „Спортвик“ магазинот на весникот „Ла газета дело спорт“ зборуваше за неговата битка со леукемијата и како таа го сменила неговиот карактер.
Србинот е во италијанскиот фудбал со децении, прво како фудбалер на Сампдорија, Лацио и Интер, а потоа и како тренер на Катанија, Фиорентина, Сампдорија, Милан, Торино и сега, Болоња. Последните шест месеци тој доби неверојатна поддршка од јавноста по неговата битка со леукемијата, која не го спречи да се обиде да ја врши работата дури од својот болнички кревет.
„Мислам дека сега, конечно, луѓето ме сфатија. Добив толку многу љубов во последните месеци, и тоа не само од спортистите и славните лица, туку од обичните фанови на сите клубови и од луѓе кои не ги познавам. Ако моите зборови им дадоа некоја храброст да поминат некоја тешка ситуација како мојата, тогаш тоа вреди повеќе од едно скудето за мене“, вели Михајловиќ.
На Михајловиќ му беше извршена трансплантација на коскена срж по три циклуси хемотерапија и сега тој вели дека е на добар пат до целосно оздравување со помош на српската кујна на неговата мајка.
„Не можев да посакам поубав Божиќ. Со моето семејство беше совршено. Сите тестови се добри, се чувствувам посилен секој ден. Тука е мојата мајка, мојата сопруга, моите деца. А покрај тоа, Болоња победи на последните два меча. Чувствувам мир. Сега го ценам секој момент, кој претходно не го забележував. Уживам во едноставните детали на животот. Трчав секое утро со слушалки за да го победам стресот, а сега одам десетина километри дневно да ги наполнам батериите. Открив дел од мене кој не знаев дека е тука, или беше скриен. Синиша станува плачко, си велам од време на време, но задоволувачки е да чувствуваш толку емоции“, објаснува Михајловиќ.
A casa di #Mihajlovic: “Grazie alla malattia ho riscoperto la gioia” #Sportweek https://t.co/fDPDKEaYTU #serieA
— LaGazzettadelloSport (@Gazzetta_it) January 4, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Олисе започна, Кејн го декласира Лајпциг

Фудбалерите на Баерн беа повеќе од убедливи на отворањето на новата сезона во Бундеслигата. Актуелниот шампион на Германија го пречека тимот на Лајпциг и го декласира со 6:0.
Традицијата продолжи, бранителот на титулата речиси никогаш не ги губи натпреварите што вообичаено ги игра на отворањето на новата сезона.
Исто беше и сега, бидејќи Баерн не остави ниту една шанса за тимот од Лајпциг, за да можат да се вратат од Минхен со бодови.
Од почетокот на натпреварот, домашниот тим го наметна својот ритам и агресивно го нападна голот на гостите.
Лајпциг успеа да издржи до 27-та минута кога Микеал Олисе го совлада Петр Гулачи. Само пет минути подоцна, по една од најдобрите акции на Баерн на овој натпревар, која беше украсена со атрактивно додавање на Серж Гнабри, а ја заврши со гол Луис Дијаз.
До крајот на првото полувреме од натпреварот, Олисе го постигна својот втор гол на натпреварот по нова асистенција од Гнабри.
Второто полувреме го одбележа само еден човек, Хари Кејн.
Најдобриот стрелец минатата сезона, не можеше подобро да ја започне новата натпреварувачка гсезона, бидејќи веќе постигна хет-трик во првиот натпревар.
Во второто коло, Баерн ќе игра против Аугсбург во мало баварско дерби, додека Лајпциг ќе го пречека Хајденхајм на домашен терен.
Foto/ EPA/RONALD WITTEK
Спорт
Рпма се вклучи во трката за потписот на Елмас

Елиф Елмас ќе го напушти Лајпциг до крајот на преодниот рок. Вториот дел од минатата сезона, Елмас ја мина на позајмица во Торино. „Биковите“ немаат пари да го откупат неговиот договор но извесно е дека фудбалерот ќе се врати во Серија А.
Најмногу шанси за да го ангажира Елмас има неговиот поранешен клуб Наполи. Елмас во сезоната 2022/2023 беше дел од тимот кој по три децении ја врати титулата во Серија А, во градот под Везув. Таа сезона тој беше трет најобра стрелец во екипата.
Наполи отвори преговори со Лајпциг, но не за перманентен трансфер туку за позајмица, со право на откуп на договорот по завршувањето на сезоната.
Двете страни сега треба да ги договорат тие услови. Лајпциг ја одбиле орвата понуда од 1.500.000 евра за позајмицата и 11.500.000 евра за откуп на договорот.
Германскиот клуб бара 3.000.000 за позајмицата и близу 20.000.000 за откуп на договорот.
Според италијанските медиуми, Елмас се наоѓа и на радарот на Рома. Џанпјеро Гасперини бара играч што може да ја покрие левата страна откако Џејдон Санчо ја дби понудата од Рим.
foto/ EPA
Спорт
Барселона одбиле 80 милиони за Фермин Лопез

Каталонски „Спорт“, откри дека Манчестер јунајтед и Челзи испратиле понуди до Барселона од 80 милиони евра за Фермин Лопез. Понудата на „Ноу Камп“ пристигнала кон крајот на јули.
Во Барселона имало несогласување околу тоа дали треба да биде продаден или не. Некои членови на Управниот одбор верувале дека продажбата ќе помогне во тешката финансиска ситуација и во регистрацијата на нови играчи, додека тренерот Ханси Флик сакал играчот од средниот ред да остане.
Се вели дека преговорите траеле повеќе од една недела, а двата англиски клуба се обиделе да го доведат 22-годишниот шпански фудбалер.
Флик наводно лично интервенирал за да се осигури дека офанзивниот играч од средниот ред ќе остане на „Камп Ноу“.
Фермин одиграл вкупно 89 натпревари за Барселона, постигнува 19 гола и запиша 11 асистенции.
„Трансфермаркт“ ја проценува неговата вредност на 50 милиони евра.