Полицијата во Сараево денеска го потврди апсењето на двајца малолетници кои упатиле закани со бомби во училиштата, а претходно за ова е приведен уште еден малолетник, но заканите со бомби продолжуваат да пристигнуваат што ја отежнува наставата, а родителите на учениците бараат поодлучни мерки за заштита.

Како што соопшти во средата Министерството за внатрешни работи на округот Сараево, малолетници се осомничени дека вчера и порано, лажно пријавувале постоење на експлозивни направи во средните училишта и други објекти во кантонот Сараево.

„Мешовит тим составен од полициски службеници од Полициската управа на Министерството за внатрешни работи, експерти за сајбер безбедност од Федералната полициска управа и кои дејствуваат под надзор на окружното обвинителство продолжува интензивно да работи на овие случаи“, соопшти полицијата, додавајќи дека им помага и Разузнавачката служба во идентификувањето на лицата кои испраќаат закани – Агенција за безбедност на Босна и Херцеговина (ОСА).

На почетокот на неделата беше идентификуван и уапсен уште еден малолетник за кој истрагата утврди дека е автор на десетици закани упатени до училиштата. Утврдено е дека тој упатувал закани дури 40 пати.

Детали за идентитетот не се објавени поради законските одредби кои ги штитат малолетниците во вакви случаи, а од обвинителството најавија дека по 24-часовен притвор ќе одлучуваат за натамошниот тек на постапката.

Училишниот систем во Сараево веќе две недели се соочува со секојдневните закани со бомби, па наставата мора да се прекинува секој ден во некои од училиштата, а противдиверзантските полициски екипи потоа поминуваат часови во увид во училишните објекти, пренесуваат локалните медиуми.

Досега во ниту еден случај не се пронајдени експлозивни направи, но училиштата се обврзани да ги почитуваат пропишаните протоколи кои ги обврзуваат да ги евакуираат училишните простории по добиените закани. Претходно беше потврдено дека сите досегашни закани пристигнале по електронска пошта.

Германската министерка за надворешни работи Аналена Бербок за време на говорот во германскиот парламент рече дека Израел има право да гаѓа цивилни цели доколку зад нив се кријат терористи на Хамас.

„Самоодбраната не значи само напад на терористите, туку и нивно уништување. Кога терористите на Хамас се кријат зад луѓето, зад училиштата, влегуваме во многу тешки прашања. Но, нема да се двоумиме. Затоа јасно им ставив до знаење на ОН дека цивилните места исто така може да го изгубат својот заштитен статус доколку терористите го злоупотребуваат, тоа е позицијата на Германија и тоа е она што за нас значи безбедноста на Израел“, рече Аналена Баербок.

Според светските медиуми, од почетокот на војната во Газа, Израел тврди дека не цели намерно цивили, туку дека Хамас користи болници, засолништа и училишта за да подготви нови терористички акции како онаа на 7 октомври минатата година кога го нападнаа Израел и убија 1.300 луѓе. Сепак, во една година од израелските напади врз Газа, загинаа повеќе од 40 илјади луѓе, главно цивили, жени и деца.

Исклучително силен земјотрес со јачина од 5,9 степени според Рихтеровата скала ја погоди Турција, соопшти ЕМСЦ.

#deprem #earthquake #turkey #malatya pic.twitter.com/6IRbmvWPUp

— Rita khoury (@ritakhoury10) October 16, 2024

Земјотресот е регистриран на 46 километри источно од Малатија, која беше разурната од минатогодишниот земјотрес.

🔴Powerful #earthquake strikes Turkey's Malatya, one of the cities devastated by February 2023 quakes

The 5.9 magnitude quake occurred at a depth of 10.07 kilometers. Tremors were felt in nearby provinces. #breakingpic.twitter.com/y6JW6lZxr0

— bianet English (@bianet_eng) October 16, 2024

Земјотресот е регистриран на длабочина од 9 километри.

🚨Alert : A Magnitude 6.1 earthquake has just been reported in Turkey , Lebanon & Syria ! #earthquake pic.twitter.com/HY5Jubbg6n

— Jinan Syria (@Jinan_Syria) October 16, 2024

На социјалните мрежи се појавија снимки од моментот кога земјотресот ја погоди Турција.