Спорт
Една година Реал Мадрид нема гол од слободен удар
Помина точно една година откако Дани Себалос постигна гол од слободен удар во дресот на Реал Мадрид, против екипата на Бетис. Никој од навивачите на Кралскиот клуб тога се чини не ни помислувал дека ќе следи толку долг пост кога се работи за овој вид на погодоци.
Оттогаш, фудбалерите на Реал имале 19 обиди да ја затресат мрежата од прекин, а притоа шутираа 8 различни фудбалери.
Реал Мадрид е 35-ти на табелата според реализација на слободни удари (листата ја сочинуваат екипи од петте најсилни европски лиги).
За тоа време, првата ѕвезда на Барселона, Лео Меси имаше 49 можности за погодок од слободен удар, а Барселона вкупно 57.
Од моментот кога Себалос постигна гол, 81 екипа од Топ 5 лигите постигна гол од слободен во првенствени мечеви.
Најмногу прилики да ја прекине црната низа имаше Велшанецот Герет Бејл – дури 9, а втор е Касемиро со 4.
Кристијано Роналдо, актуелниот играч на Јувентус, реализираше 33 слободни удари од 444 обиди во мадридскиот клуб. Од неговото заминување од Реал, во 2018 година, Кралевите само двапати погодиле од слободен. Еднаш Себалос и еднаш Иско.
Интересен податок – од заминувањето од Реал до сега ниту Роналдо не погодил од слободен удар, во дресот на Јувентус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.
Спорт
Хаос во Берлин, повредени 155 полицајци
Најмалку 155 полицајци се повредени во нереди на навивачите на натпреварот меѓу Динамо Берлин и Енерџи Котбус во германската четврта лига, соопшти берлинската полиција.
Полицијата соопшти дека при вдишување на солзавецот испукан од полицијата за да се спречат немирите се повредени 43 градски и 73 федерални полицајци, телесно се повредени 28 федерални полицајци, а 11 од нив се здобиле со рани од пиротехнички средства.
Tog en promenad till Hohenschönhausen för att se BFC Dynamo – Energie Cottbus med ett gäng norrmän. Stökigt både under och efter match. pic.twitter.com/NwSCp3xSeZ
— Ryström | hahohe (@rystromj) May 4, 2024
„Билд“ наведува дека се уапсени 74 навивачи, а против 62 е поднесена кривична пријава, меѓу другото, за „нарушување на мирот, физички напади врз органите на прогонот и давање отпор при апсење“.
Натпреварот беше прекинат во 20. минута поради тепачка на трибините, при што навивачите на Динамо запалија шалови и знамиња со симболите на ривалскиот тим.
Во соопштението се додава дека навивачите пукале со пиротехнички средства кон полициските сили и редарите кои стоеле во близина на теренот, по што припадници на безбедносните сили влегле на трибините и се обиделе да ги приведат навивачите.
04.05.2024🇩🇪BFC Dynamo away against Energie Cottbus https://t.co/Fjy3xrlEmQ pic.twitter.com/8Cbjf0lsh1
— Hooligans.cz Official (@hooliganscz1999) May 4, 2024
Енерџи Котбус победи со 2:0, а судирите меѓу навивачите продолжија и по натпреварот, пишува „Билд“. Котбус остана лидер во поредокот на две кола пред крајот, со два бода повеќе од Грајсвалд, со големи шанси за враќање во третата лига.
Спорт
(Видео) Баер 48 натпревари не знае за пораз
Фудбалерите на Баер Леверкузен одамна ја обезбедија првата титула во Бундес лигата и се на два чекори првенството да го завршат без пораз.
Избраниците на тренерот Чаби Алонсо во 32. коло од Бундеслигата убедливо го совладаа Ајнтрахт со 5:1 на гостински терен и со тоа го забележаа 48. последователен натпревар во сите натпреварувања без пораз.
Баер, да потсетиме, е блиску до пласман во финалето на Лига Европа, а наскоро ги очекува финалето во Купот на Германија против Кајзерслаутерн.
Избраниците на Алонсо последен пат загубија на 27 мај минатата година во последното коло од Бундеслигата против Бохум со 3:0.