Спорт
Незгоден тест за Ѓоковиќ, Надал може да „налета“ на Кирјос!
Ждрепката за првиот гренд слем од новата сезона, Австралија опен, го постави Новак Ѓоковиќ во дуел со светскиот рекет број 37, Германецот Јан-Ленард Штруф во првото коло, а покрај тоа Србинот е во истата половина од ждрепката со Роџер Федерер.
Ако го помине Штруф, Србинот може во третото коло да игра со Британецот Ден Еванс, додека Федерер има релативно лесен пат до четвртото коло, откако во првото коло ќе игра со Американецот Стив Џонсон. Потоа Швајцарецот го чекаат потенцијални дуели со Денис Шаповалов или Григор Димитров на почетокот на втората недела.
Ако одат според планот, Ѓоковиќ, кој оди на осма титула од Мелбурн, ќе игра со 20-кратниот гренд слем шампион Федерер во полуфиналето.
Првиот носител, Рафа Надал не би требало да има проблеми во првото коло против Хуго Делиен од Боливија, но можен е дуел со Ник Кирјос веќе во четвртото коло.
Кај дамите, Ешли Барти обидот да стане прва домашна шампионка во Мелбурн од 1978 година го почнува против Украинката Лесија Цуренко, додека Серена Вилијамс обидот да стигне до 24. гренд слем титула ќе го почне против Русинката Анастасија Потапова. Во најинтересниот дуел од првото коло во женска конкуренција, тинејџерката Коко Гоф ќе игра со двократната финалистка Венус Вилијамс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Фернандеш не е сигурен дали ќе остане на „Олд Трафорд“
Капитенот на Манчестер Јунајтед, Бруно Фернандеш изјави дека по завршувањето на Европското првенство ќе одлучи дали следната сезона ќе игра за клубот од „Олд Трафорд“.
Фернандеш рекол дека приоритети во моментов му се финалето на ФА Купот и Европското првенство.
„Не зависи се од мене. Ако треба да размислувам за заминување од Премиер лигата, тоа ќе биде дури по Европското првенство. Можеме успешно да ја завршиме сезоната со освојување на ФА Купот. Потоа го имам Европското првенство, што е многу важно. Ништо не може да ме спречи и да ми го одвлече вниманието од финалето на ФА Купот и од Европското првенство, бидејќи во моментов нема ништо поважно од тоа“, изјави Фернандеш за португалски „ДАЗН“.
Фернандеш пристигна во Манчестер Јунајтед во 2020 година од Спортинг за 80 милиони евра. Тој има договор со клубот од „Олд Трафорд“ до јуни 2026 година со можност за продолжување на уште една сезона.
„Не размислувам премногу за иднината. Оваа сезона досега не беше на нивото на кое се надевав. Сакам да бидам конкурентен. Сакам да се натпреварувам и да победувам”, додаде португалскиот фудбалер.
Манчестер Јунајтед ќе игра против Манчестер Сити во финалето на ФА Купот на 25 мај на Вембли.
ЕП ќе се одржи од 14 јуни до 14 јули во Германија.
Спорт
Мадрид ќе добие нов шампион – Рубљов го победи Алкараз
Шпанските навивачи на Мастерсот во Мадрид, по елиминацијата на Рафаел Надал доживеаја уште едно разочраување. Бранителот на трофејот Карлос Алкараз не успеа да се пласира во полуфиналето.
По два часа голема борба, во три сета, Алкараз загуби од Андреј Рубљов. Рускиот тенисер славеше со пресврт 4:6, 6:3, 6:2.
Првиот сет Алкараз го реши во своја корист со брејк кој го направи во петтиот гем откако спаси брејк топка што ја имаше неговиот ривал во вториот.
Шпанецот имаше две сет топки на сервис на Рубљов во деветтиот гем, но сепак мораше да ја заврши работата и да го добие сетото на свој сервис.
Рубљов нападна на стартот од вториот сет. Во вториот гем пропушти четири брејк можности, но не и петтата. Русинот можеше да го удвои брејкот во шестиот гем кога имаше три брејк топки, но Алкараз се извлече.
Потоа Рубљов спаси две брејк топки во седмиот гем, за да ја искористи втората сет топка во деветтиот и да го внесе мечот во третиот сет.
Решавачкиот дел од натпреварот беше и најкраток. Рубљев направи брејк во првиот, а потоа уште еден во петтиот и се пласира во полуфиналето.
Во полуфиналето Русинот ќе игра против подобриот од мечот во кој се среќаваат Тејлор Фриц и Франциско Серундоло.
Спорт
Шкендија нов лидер во првенството, Вардар блиску до баражот за опстанок
Шкендија е нов лидер во Првата македонска фудбалска лига. Во последните три кола Шкендија, Шкупи и Струга влегуваат со по 58 бодови. По оваа рунда се чини дека Македонија ЃП и Брегалница имаат само теоретски шанси да останат во лигата, а Вардар е најблиску до баражот.
Шкендија ги искористи поразите на Шкупи во Гостивар и актуелниот шампион струга во Кавадарци и се искачи на првото место на табелата. Ист број на бодови, 58 имаат Струга и Шкупи.
Шкендија во периодот од 77. до 94.минута против АП Брера постигна три гола и успеа да ја стигне и престигне предноста на гостите.
Струга против Тиквеш успеа да направи пресврт со головите на Ибраими (кој дојде до бројта од 201 гол во Првата макеоднскат фудбалска лига), но до крајот Тиквеш со головите во 82. и 94.минута му пресуди на шампионот.
Вардар слаеше убедливо во Штип кај Брегалница и ја прекина серијата од три порази. Црвено-црните сега имаат шест бода повеќе од Македонија ЃП и Брегалнца и се наоѓаат на 10.место кое води во бараж за опстанок.
Воска спорт победи кај Македонија ЃП и се одлепи од Вардар на пет бода.
Брегалница – Вардар 0:3
(Шушњара 8’, Тошев 85′, Николоски 90+2′)
Гостивар – Шкупи 2:0
(Кировски 62’, Кехинде 97’)
Македонија ЃП – Воска 0:2
(Илиески 61’, Марушиќ 69’)
Шкендија – АП Брера 3:2
(Адеми 77’, Цаке 87’ , Аганспахиќ 94’- Ивковиќ 16’, Цветановски 68’)
Силекс – Работнички 0:1
(Регба 82′)
Тиквеш – Струга 3:2
(Мојсов 32’, Стојковски 82’, Луан Силва 94’ – Ибраими 63’, 77’)
Табела: