Црна хроника
Обвинение за жител на Студеничани кој извршил кражба во автомобил
Јавен обвинител од Основното јавно обвинителство Скопје поднесе обвинителен предлог против 47-годишен жител на Студеничани за тешка кражба од член 236 став 1 точка 1 од Кривичниот законик.
На 14 септември 2019 година на булеварот АСНОМ во Скопје обвинетиот го скршил задното десно стакло од паркиран автомобил „бе-ем-ве“ Х6 и одзел туѓи подвижни предмети: чанта вредна 3.000 денари, лаптоп во вредност од 30.000 денари, ваучер од 2.000 денари, нотес и лични документи.
Јавниот обвинител му предложи на Основниот кривичен суд Скопје да ја продолжи претходно определената мерка притвор, бидејќи постои опасност од бегство на обвинетиот, а особено затоа што се работи за лице кое и претходно е осудувано за исто кривично дело и против кое се водат и други постапки за дела од имотен карактер на подрачјето на градот Охрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.