Свет
САД: Киднапирано девојче успеало да се спаси благодарение на социјалните мрежи
Четиринаесетгодишно девојче, киднапирано од тројца мажи во Северна Калифорнија, успеало да се спаси благодарение на социјалната мрежа „Снепчет“.
Педесет и петгодишниот Алберт Томас Васкез, на девојчето во вторникот му дал супстанци кои ја онеспособиле, а потоа ги повикал Антонио Салвадор и Хедиберт Гонзалес да му помогнат да ја внесат во автомобил, соопшти полицијата.
Васкез сексуално го злоупотребил девојчето во автомобилот, а потоа ја одвел во мотел во Сан Хозе, каде повторно ја злоупотребил, пренесе Си-ен-ен.
Девојчето, сепак, преку социјалната мрежа успеало да ги исконтактира своите пријатели на кои им кажала дека е киднапирана и ги известила за локацијата.
Пријателите повикале полиција која пристигнала во мотелот токму во моментот кога Васкез се подготвувал да замине.
Тој е уапсен поради киднапирање со намера да силува дете, лажно претставување и злоупотреба со користење на супстанции.
Неговите соучесници се обвинети за киднапирање и заговор.
„Снепчет“ е мрежа која им овозможува на корисниците да комуницираат, да испраќаат фотографии и видеа и да споделуваат локации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.