Спорт
Норвежаните останаа со совршен скор и со „резервен“ состав (видео)
Норвешка ја потврди доминацијата во групната фаза на Европското првенство во ракомет, забележувајќи ја осмата победа во исто толку меча со 33:30 триумфот над Словенија, која, сепак, е во полуфиналето откако претходно Португалците ја шокираа Унгарија.
Полуфиналето ќе биде сосема интересно – Норвешка против Хрватска и Словенија против Шпанија, додека Германија и Португалија ќе играат олимписки квалификации.
Норвежаните имаа одличен старт на мечот и направи предност од три разлика (7:4), меѓутоа упорниот тим на Љубомир Врањеш успеа да остане во игра и на крајот на полувремето, „викинзите“ имаа само гол предност (14:13). Во второто полувреме, Норвешка беше далеку подобра и ја зголеми предноста повторно на пет гола, пред во интересен финиш Словенците да се доближат, но не доволно за пресврт.
Кевин Гуликсон со седум гола и Сандер Оверјордет со пет гола беа најефикасни за Норвешка, додека кај Словенија се покажа Нејт Цехте со пет гола.
Вториот меч, овојпат од групата 1, помеѓу Белорусија и Австрија немаше резултатско значење, па донесе брз ракомет со многу голови за на крај да заврши 36:36.
ЕВРОПСКО ПРВЕНСТВО ВО РАКОМЕТ, ГРУПНА ФАЗА
ГРУПА 1
Хрватска – Шпанија 22:22 (11:12)
Белорусија – Австрија 36:35 (19:17)
Чешка – Германија 20.30 ч.
Табела: 1.Шпанија 9, 2.Хрватска 9, 3.Германија 4, 4.Австрија 3, 5.Белорусија 1, 6.Чешка 0
ГРУПА 2
Португалија – Унгарија 34:26 (16:14)
Норвешка – Словенија 33:30 (14:13)
Исланд – Шведска 20.30 ч.
Табела: 1.Норвешка 10, 2.Словенија 6, 3.Португалија 4, 4.Унгарија 4, 5.Исланд 2, 6.Шведска 2
Watch the Game Highlights from Norway vs. Slovenia, 01/22/2020 pic.twitter.com/u3O8EYNNfA
— EHF EURO (@EHFEURO) January 22, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Мурињо стигна во Истанбул, на чекор е oд Партизан
Португалскиот фудбалски стручњак Жозе Мурињо и официјално стана нов тренер на Фенербахче.
Двегодишниот договор Мурињо го потпиша пред неколку десетици навивачи на стадионот на Фенербахче „Шукур Сарачоглу“ во Истанбул.
„Сакам да ви се заблагодарам за љубовта што ја чувствував од првиот момент кога моето име првпат се поврзуваше со Фенербахче. Обично тренерот се сака по победата, но во овој момент чувствувам дека сум сакан уште пред да победам. Тоа е голема одговорност. Од овој момент припаѓам на семејството на Фенербахче“, изјави Мурињо, а пренесува „Скај Спорт“.
🟡🔵 Jose Mourinho, Fenerbahçe taraftarını selamladı! #beINSPORTS pic.twitter.com/adl2fXeCKy
— beIN SPORTS Türkiye (@beINSPORTS_TR) June 2, 2024
Во својата тренерска кариера Мурињо од клупата ги водеше Порто, Челзи, Интер, Реал Мадрид, Манчестер Јунајтед, Тотенхем и Рома.
Како тренер освои две Лиги на шампиони (Порто, Интер), две Лига Европа (Рома, Манчестер Јунајтед) и Конференциска лига (Рома), а освои и трофеи во првенствата на Шпанија (Реал Мадрид), Англија (Челзи), Португалија (Порто) и Италија (Интер).
Со Фенер ќе играат во квалификациите за Лигата на шампионите, а во второто коло ќе играат против српскиот претставник Партизан или швајцарски Лугано.
Спорт
Грците со Адетокумбo во составот во борбата за Париз
Кошаркарската репрезентација на Грција со полни сили ќе настапи на квалификацискиот турнир во Атина за пласман на Олимписките игри.
Главната ѕвезда на репрезентацијата Јанис Адетокумбо го потврди своето учество и ќе му биде на располагање на селекторот за решавачките игри кои можат да им донесат на Грците пласман на Олимписките игри.
Покрај Адетокумбo меѓу Грците ќе бидат и Митоглу, Папаџанис, Папаниколау, Папапетроу, Слукас и многу други.
Грција за виза за Париз ќе се бори со претставниците на Доминиканската Република Словенија, Хрватска и Нов Зеланд.
Спорт
Доминација на Бањаја во Муџело
Франческо Бањаја, актуелниот сбетски првак го комплетираше совршениот викенд на трката за Големата награда на Италија. Пеко вчера победи во спринтот, а попладнево беше најдобар и во главната трка. Извонредниот викенд на Дукати на домашен терен во Муџело го надополни вториот возач Енеа Бастијанини во спектакуларен финиш дојде до втрата позиција.
бањаја ГН на Италија ја започна од петтата позиција, но имаше фантастичен старт и се проби до првата позиција по само три свиоци. Најголемиот ривал на Бањаја, Хорхе Мартин, го следеше во текот на целата трка.
Долго време водеа Бањаја, Мартин и Маркез, а ги следеа Бастианини и Акоста и се чинеше дека трката така ќе заврши. Сепак, спектакл на крајот приреди Енеа Бастианини.
На четири круга до крајот го престигна Маркез, а во последниот свиок успеа да излезе и пред Мартин.
На крајот Бањаја беше прв, а топ 15 ги комплетираа Бастианини (Дукати), Мартин (Прамак), Марк Маркез (Гресини), Акоста (ГасГас), Морбидели (Прамак), Ди Џанантонио (ВР46), Вињалес (Априлија), Алекс Маркез (Гресини), Биндер (КТМ), Алеиш Еспаргаро (Априлија), Фернандез (Трехаус Рејсинг), Бецеки (ВР46), Оливеира (Трехаус Рејсинг), Ринс (Јамаха).