Спорт
Хрватска по невидена драма преку Норвежаните во финале по 80 минути ракомет! (видео)
Со малку среќа и со голем срце, Хрватска по третпат се пласираше во финалтео на Европското првенство во ракомет, откако Жељко Муса во последните секунди постигна гол за 29:28 победа по четири продолженија во драматично шведско попладне.
По 60 возбудливи минути, резултатот беше 23:23, а откако во првото продолжение се постигна само по еден гол (24:24), „викинзите“ на крајот беа поефикасни во нападот за голема победа. Хрватска имаше златна шанса да израмни со пенал досуден по крајот на продо
Во првото полувреме, Хрватите играа посебно добро во одбраната, на чиј „грб“ се направи разликата од два гола на полувреме (12:10), но Норвешка не се предаде и беше далеку подобра на почетокот на второто полувреме, враќајќи се и поведувајќи со 17:16.
Сепак, Норвежаните не успеаја да направат разлика од повеќе од еден гол, и Хрватска се врати со водство од 23:22 на три минути пред крајот, најмногу благодарение на двете одбрани на пенали на Матеј Ашанин. Продолженијата беа исто толку драматични, со малку голови откако двата тима не успеаја да се одвојат, за на крајот Муса да стане хрватски херој!
Домагој Дувњак со осум гола беше најефикасен кај Хрватите, а шест имаше Марино Мариќ, додека стандардно Сандер Сагосен со десет гола беше прв стрелец на Норвешка.
Во второто полуфинале, вечерва во 20.45 часот се среќаваат актуелниот шампион, Шпанија и Словенија под водство на новиот селектор Љубомир Врањеш.
Zeljko Musa’s third goal of the tournament – and the one which really counts!@HRStwitt ??#ehfeuro2020 #dreamwinremember pic.twitter.com/ZxruhSscMU
— EHF EURO (@EHFEURO) January 24, 2020
Watch the Game Highlights from Norway vs. Croatia, 01/24/2020 pic.twitter.com/zgmcLtMcM6
— EHF EURO (@EHFEURO) January 24, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.