Македонија
(Видео) Стефанова: Чудно беше како Камчев знаеше дека ќе му вршиме претрес
Обвинителката од поранешното СЈО Лиле Стефанова денеска сведочи пред кривичниот суд за случајот „Рекет” каде обвинети се Бојан Јовановски – Боки 13 и ексшефицата на СЈО Катица Јанева за изнуда на пари од бизнисменот Орце Камчев.
Таа првично рече дека не е скарана, но дека не е во добри односи со Јанева.
Стефанова го водеше предметот „Империја” каде што осомничени меѓу другите се токму Камчев и негови блиски соработници, меѓу кои и Цветан Панделевски, Ненад Јосифовиќ, Сашо Мијалков…
Таа пред судот објасни како течела истрагата за „Империја”.
„Чудно беше како Камчев знаеше дека ќе му вршиме претрес. Истражителите дојдоа во 6 наутро, Камчев ги дочека облечен и подготвен. Таму беше и Зоран Милески Кичеец, а подготвена чекаше и неговата сопруга Ана. Кога се вршеше претрес во ‘Орка холдинг’ канцелариите веќе беа исчистени, а таму чекаа Михајло и Филимена Маневски”, рече Стефанова.
Во текот на целата предистражна и истражна постапка, рече Стефанова, Камчев се обидувал да влијае преку политичари, емисари, обвинители, судии, бизнисмени.
„Тие обиди за влијание тогаш беа безуспешни. И кај мене и одговорно тврдам дека и кај Катица Јанева, која не покажа дека сака да ја подобри положбата на овие лица”, рече Стефанова.
Нејзиното сведочење продолжува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Топло со умерена облачност, температурата до 25 степени
Времето денеска ќе биде сончево и топло со мала до умерена локална облачност. На североистокот ќе има услови за појава на краткотраен дожд.
Ќе дува слаб до умерен, а долж Повардарието краткотрајно засилен ветер од југоисточен правец. Минималната температура ќе биде во интервал од 6 до 12, а максималната ќе достигне од 20 до 25 степен.
Во Скопје сончево и топло со мала до умерена облачност. Ќе дува слаб до умерен ветер од југоисточен правец. Минималната температура ќе се спушти до 11, а максималната ќе достигне до 23 степени.
Ќе настапи преодно стабилизирање на времето со позначителен пораст на дневната температура. Од сабота кон крајот на денот повторно се очекува нестабилно време со локален пороен дожд и грмежи, локално во форма на невреме. Повремена претежно попладневна нестабилност со пороен дожд и грмежи, со променлив интензитет, ќе има се до средината на следната недела.
Скопје
108 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 108 мерки, меѓу кои девет мерки за возење без возачка дозвола, четири санкции за минување на затворен сигнал – црвено светло, седум мерки за користење на мобилен телефон при возење, осум санкции за некористење на сигурносен појас…“, извести МВР.
Од таму додаваат дека сообраќајните контроли продолжуваат и во наредните денови.
Македонија
Нема подолги задржувања за влез и излез од државата
Сообраќајот на државните патишта се одвива непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.