Спорт
За 24 часа милион ипол луѓе се потпишаа Коби да е на новото лого на НБА
Повеќе од 1.5 милиони луѓе за помалку од 24 часа се потпишаа на он-лајн петицијата силуетата на Коби Брајант да стане новото лого на НБА лигата. Петицијата ја покрена навивач на Лос Анџелес Лејкерс, клубот каде Брајант ја помина целата кариера.
Потписите се собираат на страницата „Change.ort“, а организаторите останаа шокирани од бројката на гласови собрани за помалку од едно деноноќие.
„Нашата цел беше да собереме 500.000 потписи, меѓутоа сега имаме трипати повеќе, и постојано доаѓаат нови. Сакаме длабоко да им се заблагодариме на сите за својот придонес. Се надеваме дека со нашиот напор ќе го оствариме нашиот сон, да го видиме Коби Брајант изгравиран на новото лого на НБА“ – напиша покренувачот на петицијата.
Актуелното лого на НБА го направил Алан Сигел во 1969 година прилагодувајќи ја силуетата на тогашната ѕвезда на Лејкерси, Џери Вест.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите дивееја и го прекинаа мечот меѓу Будуќност и Сутјеска
Црногорските спортови се занимаваат со скандали, а нов беше виден во плејофот од локалниот шампионат меѓу Сутјеска и Будучќост.
Тој меч вечерва беше прекинат поради тепачка на навивачите во втората четвртина.
Будуќност водеше со 36:26, кога популарните „Варвари“ влегоа на теренот преку официјалниот влез и почнаа да ги провоцираат домашните навивачи.
Како што пренесува порталот „РТЦГ“, навивачите на Сутјеска одговориле со фрлање столчиња.
Дури потоа реагираше полицијата и ги избрка гостинските навивачи од салата.
Имаше план да излезе и домашната „Војвода“, но Сутјеска одби да го продолжи мечот без своите поддржувачи.
Натпреварот нема да продолжи вечерва, а се уште не се знае каква ќе биде одлуката на Кошаркарскиот сојуз на Црна Гора.
Спорт
Крај на уште една фудбалска љубов, Хесус Навас ја напушта Севиља
Фудбалскиот клуб Севиља денеска соопшти дека капитенот на тимот, Хесус Навас, ќе го напушти клубот по крајот на сезоната.
„Хесус Навас ќе ја напушти Севиља на крајот на сезоната 2023/24 и тоа им го соопшти на клубот, соиграчите и раководството на утринскиот тренинг“, се вели во соопштението на клубот.
Навас помина вкупно 17 години во Севиља, со што доби статус на клупска легенда.
38-годишниот фудбалер одигра 688 натпревари за Севиља во сите натпреварувања и освои четири Лига Европа, два Копа дел Реј, Суперкупот на Европа и Суперкупот на Шпанија.
Хесус Навас прво помина десет години во Севиља, од 2003 до 2013 година, пред да се пресели во Манчестер Сити со кој ја освои Премиер лигата и два Лига купа, пред да се врати во Андалузија во 2017 година.
Со шпанската репрезентација беше светски првак во 2010 година и европски првак во 2012 година, а во 2023 година ја освои Лигата на нации.
Спорт
Роналдо далеку пред конкуренцијата, најмногу заработил во последните 12 месеци
Магазинот „Форбс“ ја објави листата на најплатени спортисти на која доминира Португалецот Кристијано Роналдо со неговиот неверојатен договор во Саудиска Арабија.
Кристијано Роналдо е неприкосновен со 260 милиони долари годишно, 200 милиони добива од Ал-Наср, а останатите 60 милиони се од спонзорските договори.
Португалецот по четврти пат во кариерата е лидер на листата на најплатени спортисти во светот, овојпат најубедливо благодарение на дарежливите Саудијци.
Втор на листата е голферот Џон Рам (218 милиони), трет Лионел Меси (135 милиони), четврти Леброн Џејмс (128,2 милиони).
На петтото место е предводникот на Милвоки Бакс, Јанис Антетокунмпо, кој во последните 12 месеци инкасира 111 милиони долари, од кои 46 милиони се од договорот со Бакс, а останатите од спонзори.
Во првите десет играчи кои најмногу заработиле во последните 12 месеци се и Килијан Мбапе (110 милиони), Нејмар (108 милиони), Карим Бензема (106 милиони).
Интересно, трикратниот МВП на НБА лигата, Никола Јокиќ се наоѓа на 32. на оваа листа.
Заработил 56,1 милиони долари, од кои најголем дел се од договорот со Денвер (48,1), додека остатокот е од спонзорства.
Најдобриот и најтрофеен тенисер во историјата Новак Ѓоковиќ очекувано овојпат не е ни воТтоп 50 бидејќи го ограничи бројот на турнири на кои учествуваше, а и таму каде што играше не се прослави.
Лука Дончиќ е 34-ти на листата со заработка од 55,1 милиони долари.
Пред Јокиќ и Дончиќ се Џоел Ембиид (30 место – 57,7 милиони) и Џими Батлер (31 место – 57,5 милиони).
Комплетната листа на „Форбс“ на најплатените спортисти во изминатите 12 месеци можете да ја погледнете ТУКА.