Регион
(Видео) Прв словенечки бордел со кукли: Ема и Викторија ги чекаат своите први клиенти
Јавната куќа „Doll House“ во Сежана е првиот етички бордел во Словенија, затоа што нема да работат девојки и жени, туку кукли и овој бизнис е целосно легален.
Борделот го посетија новинарите на хрватски „Јутарњи лист“ и ги споделија своите впечатоци.
„Силиконските кукли од првиот етички бордел во Словенија може да изгледаат живи, да, но оддалечени 200 метри. Ако седнете до неа, малку е веројатно дека ќе ве залаже нејзиниот стаклен и тврд поглед, како на мртовец, и ако ѝ го фатите бедрото на оваа кукла, можеби ќе бидете изненадени од начинот на кој таа ги мрда прстите на нозете. Тие вибрираат, како трева на ветрот, а производителот ги засилил со материјал што имитира човечка коска“ е дел од впечатоците за куклите од словенечкиот бордел што ги опиша новинарот на „Јутарњи“.
„Изгледаат како да не мрднале со векови. Ема е мулатка со црна виткана коса и големи гради, додека Викторија е ‘жена’ со блед тен, мали гради и долга руса коса. Има за секого по нешто во Doll House, но тоа не може да се потврди сè додека не се појави машка кукла во една од собите, како што тие гордо ни најавија. Овие кукли се тешки како вистинско тело и кога ќе им се наполнат батериите, тие стануваат топли. Ако ги допрете на стратешките места исто така може да им се отргне воздишка на задоволство“, додаде новинарот на „Јутарњи лист“.
Клиентите со куклите ќе можат да сторат сè што можат со жена. Но, од хигиенски причини, тие ќе мора да користат кондом и внимателно да ја користат модерната љубовна опрема за да не се повредат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.