Спорт
(Видео) Ѓоковиќ го совлада Федерер и е прв финалист на Австралија опен

Новак Ѓоковиќ е првиот финалист на Австралија опен. Србинот во полу-финалето го доби тенискиот класик против Роџер Федерер со 3:0 (7/6, 6/4, 6/3) за два часа и 18 минути. Ова беше јубилејниот 50 дуел помеѓу Ѓоковиќ и Федерер, српскиот тенисер води со 27:23.
Ѓоковиќ ја продолжи фанатстичната низа на гренд-слем турнирите кога противник му е Федерер. Последен пораз од Швајцарецот, на некој од четирите најголеми турнири, Ѓоковиќ го доживеал во 2012 година, во полу-финалето на Вимблдон.
Ѓоковиќ лошо го започна мечот, влезе во машината на Федерер, кој иако имаше водство 1:4 и 0:40, а потоа и 2:5 и 0:30 не успеа да го заврши сетот.
Бранителот на трофејот успеа да се врати во сетот, избори тај-брејк, каде го сомеле противникот. Во 13 игра во првиот сет Федерер освои само еден поен.
This shot. Sublime!@DjokerNole | #AusOpenpic.twitter.com/b06vvG5S2U
— ATP Tour (@atptour) January 30, 2020
Во вториот и третиот сет на Ѓоковиќ му беше доволен по еден брејк за да стигне до максимална победа над еден од своите најголеми ривали.
Djokovic SP (?@Eurosport_RU ) pic.twitter.com/nIyGag71e4
— doublefault28 (@doublefault28) January 30, 2020
Србинот осми пат во кариерата ќе игра во финалето во Мелбурн, во претходните седум ја освојувал титулата.
Противник во завршниот меч ќе му биде подобриот од пресметката помеѓу Доминик Тим и Александар Зверев.
Novak Djokovic (?@Eurosport_RU ) pic.twitter.com/D9tPm85G5U
— doublefault28 (@doublefault28) January 30, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона ќе игра против Реал во дресови со логото на Ед Ширан

Барселона претстави специјален дрес за претстојното Ел Класико (26 октомври), на кој на предната страна ќе стои логото на британската поп-ѕвезда Ед Ширан.
„Со овој потег, каталонскиот клуб ја продолжува својата иновативна соработка со „Spotify“, зближувајќи ги световите на фудбалот и музиката пред големото дерби со Реал Мадрид на „Сантијаго Бернабеу“, пишува „goal.com“.
Во она што веќе стана традиција пред најголемото дерби на Шпанија, партнерството на Барселона и „Spotify“, произведе уште еден привлечен дизајн на дрес. Ширан е најновото големо име што се придружи на листата на музичари чии логоа се појавија на клутниот дрес, по Дрејк, Росалија, Ролинг Стоунс и Карол Џи.
Британскиот пејач и текстописец со тоа стана првиот машки соло поп-артист што ја доби оваа чест. Дресот од специјалното издание за прв пат ќе го носи женскиот тим на Барса на 19 октомври против Гранада, додека тимот на Ханси Флик ќе го претстави на светот на 26 октомври во Мадрид.
За Ед Ширан, кој е познат како голем фудбалски навивач, оваа соработка е сон што се остварува.
Клубот објави дека ексклузивните дресови од колекционерското издание ќе бидат достапни од 15 октомври.
Спорт
Бунт во соблекувалната на Шведска по шокантниот пораз од Косово

Репрезентацијата на Шведска, и покрај составот полн со ѕвезди, доживеа уште еден понижувачки пораз во во квалификациите за пласман на Светското првенство. Синоќа загубија од Косово во Гетеборг (0:1), а по поразот наводно кулминирале фрустрациите во соблекувалната.
Скандинавците се заглавени на дното од нивната квалификациска група за Светското првенство со само еден бод по четири одиграни натпревари, пишува „Дејли Меил“.
Иако можат да се пофалат со напаѓачко дуо вредно речиси 200 милиони евра, составено од Александар Исак и Виктор Ѓекереш, Швеѓаните постигнаа само два гола во целата кампања, а примија загрижувачки седум.
Нивната напаѓачка линија, составена исклучиво од играчи од Премиер лигата, повторно беше неефикасна во понеделникот вечерта, кога беа поразени дома од аутсајдерот Косово.
Голот на Фисник Аслани во првото полувреме беше доволен за победа на гостите, кои на тој начин ја комплетираа двојната победа над Шведска (првиот натпревар заврши 2:0) и сега се на второто место во групата.
Очекувано, тензиите ескалираа во шведскиот табор по катастрофалниот пораз.. Според шведските медиуми, крилниот напаѓач Ентони Еланга не можел да ги скрие своите фрустрации додека го напуштал теренот.
Селекторот Јон Дал Томасон е под зголемен притисок, пишува локалниот „СпортБладет“, и се верува дека голем број ѕвезди ја изгубиле довербата во 49-годишникот.
„Проклетиот систем мора да си оди“, наводно извикал тој за „Радиоспортен“. Подоцна, во разговор со новинарите, тој додал: „Работевме на системот, на тоа како ќе играме. Потоа можеби изгледа малку поинаку кога сте на теренот. Ние сме исто така тие на теренот и мора да преземеме одговорност“.
Дополнителна конфузија внесе необичниот метод што го користеше тренерот пред натпреварот со Косово, наводно во обид да спречи протекување на информации во медиумите. Томасон одлучи да ги открие почетните единаесет само еден час пред почетокот на натпреварот.
По натпреварот, селекторот Томасон ги критикуваше своите напаѓачи, Александар Исак и Виктор Ѓекереш, тврдејќи дека неговиот тим „заборавил“ како да постигне гол. Исак пропушти три големи шанси, вклучувајќи една во судиското продолжение.
Кога беше прашан за можна оставка, Томасон одговори: „Имам договор со Шведската федерација и сме во средината на квалификациите. Секако, ова не е доволно добро и ова е ужасен резултат. Навистина боли, заборавивме како да постигнуваме голови и не знам зошто.“
Шведска ги има последните два квалификациски натпревари против Швајцарија и Словениј. Овие натпревари ќе се одиграат во ноември.
Фото/ Принтскрин
Спорт
Шампионот ќе биде домаќин и ќе го игра првиот меч во Лигата на шампионите

Европската фудбалска асоцијација (УЕФА) објави дека од сезоната 2027/28 ќе воведе дополнителна новина во календарот на Лигата на шампионите. Сезоната ќе започне со домашен натпревар на бранителот на титулата во посебен термин.
Средбата шампуионот ќе се игра во вторник, додека сите други натпревари од 1. коло ќе се играат во среда и четврток.
УЕФА сака на овој начин да му даде посебено медиумско внимание, како што е случајот во американската професионална лига на американски фудбал, НФЛ, која со години започнува со домашен натпревар на бранителите на титулата во четврток, односно три дена пред да се играат другите натпревари од 1. коло.
Во позадина на оваа одлука е можноста за дополнителни приходи од продажбата на телевизиските права за следниот тригодишен период, кој ќе започне токму со сезоната 2027/28, кога дел од натпреварите би можеле да се префрлат на канали како DAZN, Netflix или Disney.