Македонија
Петковски: Ова да бидат последните избори кои ќе се спроведуваат согласно пржинскиот договор
„Речиси и по 30 годни од прогласувањето на независноста на државата и по голем број изборни циклуси сè уште не сме во состојба да организираме избори без вклучување и асистирање на странски фактори. И пред овие избори се поставуваат политички прашања кои со себе носат ризик за копромитирање на фер и демократската атмосфера за нивното реализирање. На прагот од ЕУ и полноправно членство во НАТО, Законот за јавно обвинителство успева политичкото внимание да го истисне од суштинските прашања за идинината на земјата кон теми кои имаат значење само за тесни политички групи, чиј интерес е единствено да се спасат од системската одговорност за нивното мината политичко поведение“, порача претседателот на НСДП, Тито Петковски, на вчерашната изборна конференција на општинската организација на НСДП од Прилеп.
„Помеѓу другото, оваа состојба се должи и на дискредитирањето на институциите на системот, на поткопувањето на нивниот кредибилитет со тоа што важните политички прашања се решаваат надвор од нив. Ако ја погледнеме позицијата на Собранието ќе видиме дека водечките политички партии ја маргиналзираа неговата улога, пратениците ги сведуваат на инструменти за спроведување на политички договори направени надвор од институциите на системот. Демократското политичко созревање на нацијата и правењето исчекор кон западно европските демократии бара напуштање на оваа пракса вкоренета во теснопартиски интереси“, рече Петковски.
Тој пред членовите и симпатизерите на партијата од Прилеп истакна дека обидите за носење на новиот закон за Јавно обвинителство зборуваат за отсуство на партиско лидерство и недостиг на чувство за јавен интерес.
„Во собраниската расправа најгласни повици за реформа на правниот и судскиот систем доаѓа од осомничени или обвинети гласноговорници на ВМРО-ДПМНЕ, чија основна грижа е како да ги спречат отворените судски постапки и да ја избегнат одоговрноста за своите постапки од времето кога во земјава имавме режим, раководен од исклучително авторитарна личност која во потрга по својот личен комодитет избега од државата“, истакна Петковски.
Тој оцени дека овие парламентарни избори треба да бидат последните избори кои ќе се спроведуваат согласно пржинскиот договор.
„Целосното раскинување со рецидивите на претходниот криминоген и авторитарен режим наметнува потреба ова да бидат последните избори кои ќе се спроведуваат согласно пржинскиот договор, односно да се напушти форматот на техничка влада. Основната причина за нејзиното воведување во политичкиот систем беше институциите да се отргнат од канџите на Груевски и државата да се воведе во еден нормален изборен процес. За нашата демокраска зрелост неопходно е тоа време да го оставиме зад нас, да ја исчистиме институционалната меморија од тие мрачни политички времиња“, порача Петковски.
За претседател на општинскиот огранок делегатите на вчерашната конференцијата ја избраа Јулијана Цековска, воедно избирајќи и нови членови на Извршниот одбор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.