Македонија
ДСД: Драстично се подобрени условите во студентските домови, ВМРО-ДПМНЕ да престане да манипулира
Очигледно е дека партијата ВМРО-ДПМНЕ не може да се соочи и да ја прифати реалноста дека за неполни 2 години директорот на Државниот студентски дом – Скопје, Дарио Николовски, со помош на Владата на СДСМ направи крупни инвестиции во сите студентски домови. Некои од тие инвестиции сè уште се во тек и новите промени набргу ќе ги почувствуваат студентските во трите стидентски дома, кои се под надлежност на ДСД, се вели во реакцијата на Државниот студентски дом – Скопје, на обвинувањата на ВМРО-ДПМНЕ.
„Валентин Манасивски од ВМРО-ДПМНЕ и денеска шири лажни информации со кои ја дезинформира јавноста дека сегашните услови во кои живеат студентите се исти како оние од нивното децениско трошење и неинвестирање.
За овие 2 години комплетно се реновирани и опремени со мебел собите во блоковите В и Г во студентскиот дом „Гоце Делчев“ и тие ќе бидат отвотени за студентите за неколку дена. Паралелно со оваа инвестиција, студентите од домот ќе добијат комплетно нов студентски двор. Градежните работи се во тек и предвидуваат ново зеленило, урбани елементи, контролиран влез на возила и др. За потсетување, ВМРО-ДПМНЕ дворот во студентскиот дом „Гоце Делчев“ го претвори во паркинг-простор во кој можеше кој сака и кога сака да се паркира, без најава или каква било контрола, што претставува и поетнцијална закана за кој било од студентите сместени во студентскиот кампус.
Во студентскиот дом „Стив Наумов“ се инвестира во целосна реконструкција на зградите 1 и 2. Проектната документација се изработува и таа предвидува видеонадзор за безбедност на судентите и контрола на посетителите, два лифта, но и комплетна реконструкција на покривот, прозорците, вратите, тоалетите и подовите. Во овој дом запуштените простории се адаптираа во простории за дружба на студентите.
Во студентскиот дом „Кузман Јосифовски-Питу“ комплетно се уреди дворот, но и празните и неупотребливи простории, кои сега имаат намена на простории за обуки или семинари. Овој дом набргу ќе се реновира комплетно во делот на енергетската ефикасност преку меморандумот на соработка со германската банка КфВ.
Факт е дека проблемите со кои се соочуваа студентите во зимските месеци повеќе ги нема. Државниот студентски дом ги реши проблемите со недостиг на парно греење и топла вода, а паралелно со ова го намали долгот на институцијата од 300 милиони денари, кој сега е сведен на половина.
ВМРО-ДПМНЕ да престане да дава лажни информации и да се бламира бидејќи меѓу споменатите покрупни инвестиции ова раководство го промени и менито на студентите по цели, замислете, 16 години и воведе нови и здрави продукти. ВМРО-ДПМНЕ ги остави студентите гладни, во ладни соби, без греење и топла вода. Промените што ги направивме се за период од 2 години.
Токму поради ова, ВМРО-ДПМНЕ да престане да манипулира, туку да соработува како здрава и конструктивна опозиција со проекти што се од значење за студентите. Државниот студентски дом, во соработка со Владата, продолжува да инвестира во студентскиот стандард и иднината на студентите“, стои во реакцијата на ДСД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски – Боки 13 во полицијата.
Ова се однесува на статусот што Јовановски го објави вчера, а каде посочи дека лица блиски до Кичеец му се закнуваат.
Јовановски вели дека Кичеец е човек кој се огрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во таа криминална банда еден од предводниците е Зоран Милевски-Кичеец“, рече Јовановски.
Неговиот адвокат, Владимир Туфегџиќ, ги оцени наводите на Киччец како неосновани, и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесуирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него делуваат преку разни форми на закани и притисоци со цел да го откаже второто гостување во подкастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и култура е рециклирање и рекреирање на веќе постоечкото. Колку понапредни општествата – толку повеќе се рециклира, се води сметка за животната околина и сè погласна и популарна е “second hand” модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во Јавна соба, под слоганот “Second hand е подобро од ново” започнува Базарот каде што посетителите можат да си набават добро сочувано парче гардероба, чевли, накит, книга или можеби некоја играчка. Ќе има бројни штандови со разноразни парчиња кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– Заштеда на пари
– Помагање на животната средина и зачувување на природните ресурси
– Поддржувате локален и мал бизнис
– Развивате уникатен стил
– Имате чувство како да сте во потрага по богатство
Македонија
На ден пред двојните избори гласаат болните и изнемоштените лица, затворениците и дијаспората
Денес своето право на глас први ќе го остварат болните и изнемоштените лица, како и затворениците во казено-поправните домови во државата.
Од Државната изборна комисија информираа дека за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или ќе гласаат 11.225 болни и немоќни лица.
Освен изнемоштените и затворениците, денес своето право на глас ќе го остварат и пријавените македонски државјани од дијаспората, но единствено за претседателските избори. Гласање за парламентарните избори во дијаспората нема да се спроведе поради недоволен број пријавени.
На овие парламентарни избори поднесени се 17 кандидатски листи, за парламентарните избори од кои 16 на политички партии и коалиции и една од група избирачи. На изборите учествуваат 61 партија. Од нив, 11 самостојно, а 50 во пет коалиции.
На вториот круг од претседателските избори право на глас имаат 1.814.317 избирачи, а на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство. Во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи, а во затворите или во притвор 2.147 избирачи.