Спорт
Сензационалната Кенин победи на Австралија опен

Софија Кенин го освои Австралија опен во женска конкуренција. Кенин во финалето за два часа и пет минути ја победи Гарбиње Мугуруса од Шпанија со 4/6, 6/2, 6/2. За 21 годишната Американка ова е прва грен-слем титула во кариерата. Мугурса остана на две грен-слем титули во кариерата (Ролан Гарос 2016 и Вимблдон 2017).
Американката и Шпанката одиграа одличен меч на арената „Род Лејвер“. Победата ја однесе тенисерката која помалку грешеше во клучните моменти и која подобро ги користеше брејк шансите.
Решавачкиот момент на мечот се случи во петтиот гем од третиот сет кога Мугуруса не успеа да реализира три врзани брејк топки.
Мугуруса поголемото искуство го искористи само во првиот сет, кога направи брејк во третиот гем. Предноста ја чуваше до осмиот гем кога Американката израмни на 4:4, меѓутоа веќе во наредниот Шпанката возврати со ри-брејк, а потоа го освои сетот.
Кога ја надмина тремата Кенин значително го подигна нивото на играта, играше брилијантно од основната линија и за 33 минути ја прегази Мугуруса во вториот сет и стигна до израмнување.
По слично сценарио се одвиваа настаните и во третиот сет се до опишаниот петти гем. Откако не направи брејк Муругуса потоа во својата игра, момент кој Кенин го искористи и со уште еден брејк стигна до најголемиот успех во кариерата.
Завршната статистика покажува дека Мугуруса направила осум дупли грешки, Кенин ниту една. Американката реализирала пет од шесте брејк топки, додека Шпанката реализирала само две од 12 топки за брејк.
Односот на винери и неизнудени грешки кај кени е 28/23, а кај Мугуруса 32/45.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Драма до последен миг: Пелистер славеше над Вардар со 32-30

Големата битка за титулата во плеј-офот заврши со триумф на Пелистер, кој славеше со 32-30 против Вардар во неизвесен и драматичен натпревар. Битолчани ја освоија својата деветта титула и трета по ред, предводени од Кузмановски со седум гола, додека Борозан од Вардар реализираше осум, но промаши клучен пенал во финишот.
Вардар имаше водство со пет гола разлика во првиот дел. Сепак, Пелистер се врати во игра и на полувреме резултатот беше 17-15 за Вардар. Во второто полувреме, двете екипи разменуваа голови, а драмата кулминираше во последните минути, кога Вардар имаше шанса за израмнување, но промаши пенал. Пелистер ја искористи грешката и го потврди триумфот.
Спорт
Гоф ја „сврти“ Сабаленка за титулата на Ролан Гарос

Американската тенисерка Коко Гоф го освои Ролан Гарос, победувајќи ја Арина Сабаленкa во финалето.
Гоф ја освои втората Гренд слем титула во кариерата по пресврт – 6:7 (5), 6:2, 6:4.
Таа го имаше своето деби на Отвореното првенство на САД во 2023 година, кога го доби финалето над Белорусинката. Тој сега има скор од 6 победи и 5 порази.
Гоф играше и во финалето на Ролан Гарос во 2022 година, но тогаш немаше шанси против Ига Швионтек, четирикратната шампионка.
Спорт
Марк Маркез ја освои пол позицијата во Арагон

Возачот на Дукати, Марк Маркез, триумфираше на спринт трката што се одржа во рамките на Големата награда на Арагон, осмата рунда од овогодинешното првенство на Мото ГП.
Осумкратниот светски шампион ја постигна својата седма победа во спринтот оваа сезона на патеката Арагон, а се врати на највисокото скалило на победничкиот подиум откако беше престигнат од неговиот помлад брат Алекс пред две недели во Силверстоун.
Алекс беше главниот конкурент на постариот Маркез во Арагон, но нивната борба не траеше долго и возачот на Гресини мораше да се задоволи со второто место, околу две секунди зад својот брат. На третото скалило на подиумот беше Фермин Алдегер, соиграч на помладиот Маркез, кој беше околу две секунди понапред.
Акцијата на патеката „Моторленд“ продолжува во недела од 11 часот, а трката во кралската класа е на програмата од 14 часот.