Црна хроника
Воз во Индија прегази 37 луѓе, избувнаа протести
Воз во Индија усмрти најмалку 37 луѓе кои оделе по пругата во понеделникот наутро, по што патниците протестирале и го претепале машиновозачот, го нападнеле другиот персонал на железницата и запалиле вагони, пренесува телевизијата NDTV повикувајќи се на локалните власти.
Портпаролот на индиските железници, Анил Саксена изјавил дека меѓу загинатите се хиндуистички аџии кои оделе на празнување на празникот посветен на Шива кои се симнале од возот на станицата Дхамара, 180 километри источно до градот Патна, главниот град на сојузната индиска држава Бихар.
„Патниците излегле од возот и продолжиле да одат по шините. Тогаш возот ги прегазил“, изјавил главниот директор на железницата Арунендра Кумар, на прес-конференција во престолнината Њу Делхи.
Според официјалните податоци, околу 40 патници дневно гинат на разгранетата но слабо инфраструктурно одржувана индиска железничка мрежа, со којашто управува државата и со која секојдневно се превезуваат 18,5 милиони патници.
Железницата е главното превозно средство на големи оддалечености во Индија којашто има 1,2 милијарди население и каде огромно мнозинство нема средства за патувања со авион. Најголем број од жртвите се сиромаси кои живеат во близина на железничките линии, а дел се патници кои буквално испаѓаат од пренатрупаните вагони.
Според официјалните податоци од 2012 година, речиси 15 илјади Индијци гинат секоја година само при преминување на пругите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.