Спорт
Ѓоковиќ останува „крал“ во Мелбурн – осма титула по драматични пет сета против Тим!
Новак Ѓоковиќ ја освои својата 17. гренд слем титула, откако по осми пат го крена трофејот од Австралија опен, враќајќи се во драматични пет сета за 6:4/4:6/2:6/6:3/6:4 победа над Доминик Тим, продолжувајќи ја доминацијата на големата тројка на гренд слем турнирите.
А изгледаше дека е „готов“ и дека нервите конечно го „фатија“ откако влезе во беспотребна расправија со судијата на столче поради двете предупредувања кои ги доби, а во исто време 26-годишниот Австриец успеа да стигне до водство од 2:1 во сетови откако го загуби првиот сет. Покрај тоа, статистиката беше против него, во седум гренд слем финалиња во кои губел со 2:1 во сетови, Србинот ги имаше загубено сите.
Меѓутоа, кога беше најпотребно, во петтиот сет, тој направи ран брејк за да дојде до предност со малку среќа.
Even the best need a little luck!
Djokovic looks relieved as he takes a 2-1 lead in the fourth set after a touch of fortune…
?? Watch the #AusOpen final LIVE
? Eurosport 1
??? Eurosport Player: https://t.co/0Fa7uXMVB9 pic.twitter.com/hCk9I2mWWD— Eurosport UK (@Eurosport_UK) February 2, 2020
Веќе во следниот гем тој ја одбрани предноста спасувајќи две брејк-топки, за потоа да изддржи до крај за уште една историска победа.
Со трофејот, Ѓоковиќ дефинитивно покажа дека со право беше избран за најдобар тенисер на минатат деценија во изборот на АТП, бидејќи во Мелбурн има 8-0 скор во финалињата и покрај некои драматични мечеви. Со својот 17-ти голем трофеј, Ѓоковиќ се приближи на најдобрите – Рафа Надал со 19 и Роџер Федерер со 20 гренд слем титули, и ако продолжи вака, само прашање на време е кога ќе го помине и овој рекорд.
Како „шлаг на тортата“ доаѓа фактот што во понеделник, тој ќе се врати на првото место на АТП листата, симнувајќи го Надал.
За Австриецот, но и за другите (по)млади тенисери кои сакаат да ја симнат големата тројка Ѓоковиќ/Надал/Федерер од тронот, ова е уште еден „удар“, покажувајќи дека ветераните не мислат лесно да се предадат. Тим губи второ гренд слем финале, откако лани загуби од Рафа Надал во финалето на Ролан Гарос.
Новак ги губи нервите и мечот, виновен му е судијата (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.