Македонија
СДСМ: Техничките кадри се луѓе на Груевски кои работат против интересите на државата
![](https://makfax.com.mk/wp-content/uploads/2019/02/sdsm-mickoski-gruevski.jpg)
Tехничките кадри на ВМРО-ДПМНЕ покажаа дека се кадри на Груевски кои работат против интересите на државата, велат од СДСМ, од каде што обвинуваат дека тие за еден месец не понудиле ништо конкретно во насока на евентуално подобрување на работата на институциите.
„Последен доказ за тоа е барањето на техничкиот министер за внатрешни работи, Наќе Чулев, во својот кабинет да го смести советникот на Ѓорге Иванов, Синиша Алексовски, кој, според сведочењата во процесот за 27 април, има улога во организацијата на настаните од крвавиот четврток.
Техничката министерка за труд и социјална политика, Рашела Мизрахи, уште од првиот ден ги навреди жените, а потоа и јавно му кажуваше на новинар како и за што треба да известува. Нејзиниот тим видовме дека е составен од лица што се креатори на проектот „Скопје 2014“, како и лица што биле дел од кабинетот на Диме Спасов.
Дополнителниот заменик-министер за земјоделство, шумарство и водостопанство, Цветан Трипуновски, исто како Груевски упадна во просториите на свои вработени и јавно ги снимаше и вршеше политички притисоци. Трипуновски, освен тоа што има кривична пријава за проневера на 117.000 евра, е познат и по тоа што организира партиски протести, каде што функционери и членови на ВМРО-ДПМНЕ глумеа дека се земјоделци.
Дополнителната заменик-министерка за финансии, Гордана Димитриеска-Кочовска, во својот тим исто така има ангажирано лица блиски на Никола Груевски и Ѓорге Иванов, како и блиски соработници на поранешниот министер Зоран Ставревски, кој остави длабоки штети врз македонската економија.
Невенка Стаменковска-Стојковски, која е дополнителна заменик-министерка за информатичко општество и администрација, е самата директно кадар на Никола Груевски. Таа беше во првите редови пред судовите кога се одвиваа судските процеси против криминалот на Никола Груевски и високи функционери на ВМРО-ДПМНЕ.
Кадрите на ВМРО-ДПМНЕ во преодната Влада задолжена за организирање на изборите за еден месец покажаа дека работат единствено за обнова на режимот, а против интересите на граѓаните и државата.
Граѓаните го гледаат тоа и затоа на 12 април ќе порачаат – режим никогаш повеќе“, велат од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Сиљановска Давкова го прими словачкиот амбасадор, Хенрик Маркуш: од особен интерес е интензивирањето на билатералниот политички дијалог
![](https://makfax.com.mk/wp-content/uploads/2024/06/Foto-1-1-1.jpeg)
Претседателката Гордана Сиљановска Давкова денеска го прими амбасадорот на Република Словачка, Хенрик Маркуш.
На средбата се разговараше за севкупните билатерални односи и можностите за унапредување на соработката во различни области од заемен интерес.
Претседателката истакна дека билатералните односи се карактеризираат со пријателство и разбирање оценувајќи дека меѓу двете земји постојат силни културни врски поради наследството на светите браќа Кирил и Методиј.
Нагласувајќи дека годинава се одбележуваат 30 години од воспоставувањето на дипломатските односи со Словачка, претседателката Сиљановска Давкова се заблагодари за принципиелната поддршка од Словачка и од Вишеградската група како традиционален поддржувач на македонските евроинтеграции и посветен партнер во НАТО.
Во насока на продлабочување на соработката во области од заемен интерес, pретседателката истакна дека е видлив растот на трговската размена за којашто постои можност во наредниот период да постигне поголеми резултати со заеднички ангажман од двете страни.
Таа нагласи дека од особен интерес е и интензивирањето на билатералниот политички дијалог.
Македонија
Новиот министер Андоновски на средба со младите од ИТ-секторот
![](https://makfax.com.mk/wp-content/uploads/2024/06/image00008.jpeg)
Новиот министер за дигитална трансформација, Стефан Андоновски, на првиот работен ден се сретна со млади луѓе од ИТ-секторот.
„Првата официјална средба како министер за дигитална трансформација ја почнувам заедно со младите. Сите напори и решенија треба да бидат во насока на обезбедување добри услови младите да се развиваат и да ја гледаат и својата иднина во Македонија“.
Тој додава и дека реформите се во фокусот на новата Влада.
,,Реформите во општеството и дигиталната трансформација се и главен акцент на новата Влада, со што ќе им се овозможи и подобар стандард за живеење на младите и намалување на корупцијата“.
Македонија
Со многубројни гости од среда почнува роденденската недела и културното лето во Кисела Вода
![](https://makfax.com.mk/wp-content/uploads/2024/06/20240624_101359.jpg)
Градоначалникот Орце Ѓорѓиевски денес одржа прес-конференција посветена на 69-тиот роденден на општина Кисела Вода, како и на традиционалното културно лето.
Со слоганот „69 години Кисела Вода, храброто срце на градот“ в среда почнува роденденската седмица, која ќе биде одбележана со разни случувања – од капитални инфраструктурни проекти до музички и културни манифестации.
На повеќе сцени – на Три Круши, во паркот пред салата „Расадник“, но и во парковите „Македонија“ и Шопен“, ќе се одвиваат голем број настани, кои годинава, како што истакна Ѓорѓиевски, се замислени како цели фестивали со повеќе изведувачи.
Акцентот е ставен најмногу на македонските изведувачи, но има и звучни гости од Србија.
Од 26 до 29 јуни публиката ќе може да ги види Ламбе Алабаковски, Огнен Здравковски, Бојана Скендеровски, Миле Кузмановски, Александар Тарабунов, КУД „Китка“, „Два бона“, „Пајак“, Ѓорѓе Давид, Ивана Петерс и „Бресквица“, а за роденденот на општината на 29 јуни е предвиден голем концерт на „Суперхикс“ со пријателите – Дани Димитровска, Битолскиот камерен оркестар, „Ја, Дека и Зека“ од Војводина, „Фолтин“, „21 век“ и многу други.
Гостинот од Србија, Ѓорѓе Давид, упати благодарност за гостопримството и истакна дека секогаш е расположен за соработка со македонски артисти, кои исклучително ги цени.
„Со мислата ‘Иднината им припаѓа на оние што веруваат во убавината на своите соништа’ сакам да го почнам моето денешно излагање бидејќи со овој дух, во последните три години, Кисела Вода прерасна во лидер во реализацијата на иновативни проекти, со храбри чекори, кои инспирираа многу други општини да го следат нашиот пример. Оттука, годинешниот слоган ’69 години Кисела Вода, храброто срце на градот’ ги рефлектира токму храброста и волјата со кои ја водиме нашата општина.
За роденденот на Кисела Вода веќе традиционално ќе доделиме статуетки – клучеви за најзаслужните, кои дале свој белег во афирмацијата и растежот на нашата заедница. Воедно, сите талентирани ученици, кои освоиле награди на меѓународни натпревари во разни области од науката и спортот, ќе добијат парични награди на свечената седница на Советот на Општината.
Веќе споменав дека во овие седум дена ќе бидат реализирани и повеќе капитални инфраструктурни проекти, кои беа долгоочекувани од жителите и за кои знаеме дека ќе бидат многу задоволни“, рече градоначалникот.