Свет
Кинеските власти обвинуваат: Вашингтон шири паника за вирусот наместо да помогне
Соединетите Американски Држави по појавата на коронавирусот, наместо да овозможат здравствена поддршка, презеле акции за ширење паника и страв меѓу населението, обвини денеска кинеското Министерство за надворешни работи.
САД беа првата земја што предложи делумно повлекување на персоналот на својата амбасада и беше прва што воведе ограничувања за патувањето на кинеските туристи, изјави портпаролката на министерството, Хуа Чунјинг.
„Сè што направија, само придонесе за создавање и ширење страв, а тоа е лош пример“, рече Хуа на брифингот.
На 28 јануари Соединетите Американски Држави почнаа со евакуација на американските државјани од централниот кинески град Вухан, каде што се верува дека вирусот првпат се појави кон крајот на минатата година.
На 30 јануари Светската здравствена организација (СЗО) појавата на епидемија ја прогласи за глобална здравствена криза.
Истиот ден американскиот Стејт департмент издаде предупредување за американските граѓани да не патуваат во Кина.
Многу земји ги евакуираа своите граѓани од Кина, некои ги прекинаа и летовите, а Русија објави дека го прекинува и железничкиот сообраќај кон Кина.
Меѓутоа, руските власти денеска одлучија земјата да обезбеди хуманитарна помош за Кина во борба против вирусот.
Ова беше соопштено по состанокот на рускиот премиер Михаил Мишустин со заменик-премиерите.
„Руските региони се подготвени, здравствените установи имаат резерви заштитна облека и облека за дезинфекција“, рече вицепремиерката Татјана Голикова, која додаде дека документот за одлуката веќе е подготвен.
Бројот на загинати од вирусот се искачи на 361, со што е надминат бројот на лица што починаа од смртоносниот вирус САРС.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.