Спорт
Ефес првпат по 21 година со гостинска победа кај ЦСКА! (видео)
Шејн Ларкин ги предводеше Анадолу Ефес до славна 82:80 победа на гости кај ЦСКА Москва, прв триумф за турскиот клуб во руската престолнина по пауза од 21 година, за уште еднаш да ја докаже овогодишната доминација на тимот на Ергин Атаман.
Ларкин им донесе 81:78 водство на гостите на 41 секундии пред крајот, додека Мајк Џејмс пропушти шанса да израмни за ЦСКА и да примора продолжение. Две успешни слободни фрлања на Даниел Хакет значеше дека разликата е само еден поен, пред Ларкин да го постигне последниот кош, повторно од слободно фрлање.
Ларкин заврши со 23 поени и 4 асистенции, додека Василије Мициќ додаде 19 поени, а за ЦСКА, Џејмс беше најефикасен со 20 поени.
Ова е слатка одмазда за Атаман, кој пред мечот изјавуваше дека има „незавршена“ работа со ЦСКА, единствениот тим кого Ефес го немаше совладано во последните години. Последен пат Ефес беше подобар од „Армејците“ во Топ 16 рундата во 2012/13.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рафаел Надал елиминиран во Рим
Шпанскиот тенисер Рафаел Надал го заврши учеството на Мастерсот во Рим откако загуби од Хуберт Хуркач со 6:1, 6:3.
Надал го мина првото коло по пресврт, но не можеше повторно да го направи истото во дуелот со Полјакот кој е многу подобар од Зизу Бергс, кој беше првиот ривал на „Бикот од Мајорка“ на овој турнир.
Натпреварот почна така што Надал не искористи пет брејк топки. Во продолжение од сетот Хуркач направи два брејка и убедливо го заврши првиот дел од играта.
Во вториот дел, Полјакот му го одзеде сервисот на противникот во третиот гем, а потоа и во деветтиот и не му дозволи ниту една шанса да го врати загубеното.
Во третото коло Хуркач ќе игра против Аргентинецот Томаш Мартин Ечевери.
Спорт
Шаховската сезона продолжува со отворените првенства на Македонија –ИМ Панчевски и ИМ Коскоска се први носители
Откако во текот на април започнаа шаховските активности со одигрувањето на екипните првенства во младинска конкуренција, како и со стартот на квалификациите за Втората лига, викендов во Скопје стартува Отвореното првенство на Македонија во шах, кое, наедно, се смета и за национално државно првенство. Паралелно со него посебно ќе се игра и Првенството во женска конкуренција.
Минатогодишните шампиони ВМ Звонко Станојоски и ФМ Моника Стојковска, обајцата членови на ШК Алкалоид, не се на стартната листа, па ако остане така, ќе биде извесно дека на крајот од турнирот ќе има нови државни прваци.
Предвидено е да се играат 9 кола според швајцарскиот систем, при што секој играч има на располагање 90 минути со додаток од 30 секунди за потег. Просечниот рејтинг според провизорната стартна листа на учесници изнесува 1781 поени.
Вкупно петмина шахисти кои се дел од првите 20 на листата на ФИДЕ како играчи со највисок рејтинг во државава ќе бидат дел од ова отворено првенство. Во согласност со таквиот распоред на силите, тие петмина можат да се прогласат за фаворити, а меѓу нив се и членовите на ШК Алкалоид ИМ Филип Панчевски и ИМ Тони Лазов, како прв и четврти носител.
ИМ Филип Панчевски ја освои титулата во 2022 година, но минатата година токму ИМ Тони Лазов имаше неколку успешни настапи со кои го сврте вниманието на себе. На Екипното првенство на Македонија за екипата на ШК Алкалоид имаше скор од 6 поени од 6 партии, а потоа играјќи за македонската репрезентација на Европското првенство во Црна Гора стигна до 6,5 поени од 7 партии, со што ја освои и првата велемајсторска норма.
На Отвореното првенство се пријавени 60 играчи, меѓу кои десетина се од младинските категории, од кои најголемиот дел настапуваат за новоформираниот ШК Мулти Есенс, кој, исто така, е под закрила на компанијата „Алкалоид“ АД Скопје.
Десет имиња се на списокот на учеснички на женскиот турнир, при што три од нив се дел од таборот на фармацевтите. Женскиот ИМ Габриела Коскоска засега е прв носител на овој турнир со просечен рејтинг од 1694 поени, а покрај неа тука ќе бидат и младите шахистки Леа Ефтовска и Бонита Јакимова. Според официјалниот распис, планирани се 9 кола како и на Отвореното првенство.
Партиите од првото коло стартуваат в сабота, 11 мај, од 17:30 часот.
Спорт
(Видео) Се огласи човекот чиешто шише падна на главата на Новак Ѓоковиќ
Се огласи на „Инстаграм“ момчето чие шише со вода падна врз главата на Новак Ѓоковиќ.
Тој му се извини на српскиот тенисер и рече дека ова е едноставно несреќен случај.
Сакав да се извинам за тоа што се случи на турнирот во Рим откако Ѓоковиќ го заврши својот меч. Моето шише со вода се лизна и падна врз главата на Ѓоковиќ. Многумина мислат дека тоа било направено намерно, но шишето само се лизна.
The @InteBNLdItalia team showcases a video showing that the Djokovic case was ‘’an accident’. #Djokovic pic.twitter.com/IX6T4ihEVK
— Tennis Majors (@Tennis_Majors) May 10, 2024
„За жал, вакви работи се случуваат. Се надевам дека не е повреден. Му се извинив и нему. Сакав да им кажам на оние кои навредуваат дека тоа не го направив намерно, туку случајно“, додал тој.
Ѓоковиќ претходно изјави дека инцидентот е несреќен случај и се чувствува добро.