Спорт
Вестбрук незапирлив во ЛА, Јанис доминантен против Филадлефија (Видео)

Хјустон Рокетс ги победија Лејкерси во Лос Анџелес 121:111 во најпривлечниот меч што се одигра изминатата ноќ во НБА-лигата.
Интересен и неизвесен натпревар одиграат Лејкерси и Хјустон. Ниту еден од тимовите се до финишот немаше поголем предност од осум поени. На крајот Хјустон беа тие што одиграа подобро во завршницата.
Франшизата од Хјустон до победата ја предводеше Расел Вестбрук со 41 поен, осум скока и пет асистенции. Вестбрук на овој натпревар ја мина границата од 20.000 поени во кариерата.
Кај Лејкерс се истакнаа Ентони Дејвис со 32 поени и 13 скокови, односно Леброн Џејмс со 18 поени, девет скока и 15 асистенции.
Одличен натпревар одигра Јанис Адетокумбо во победата на Милвоки Бакс над Филаделфија. Бакс победија со 112:101, а Јанис забележа 36 поени и 20 скокови. Грчкиот кошаркар на последните пет натпревари редовни белеѓи најмалку 30 поени и 15 скокови.
Њу Орлеанс Пеликанс победија во Чикаго 125:119. Булс извлекоа пристоен пораз бидејќи во еден момент Пеликанс имаа предност од 27 поени. Првиот пик на драфтот Зајон Вилијамсон со 21 поен беше најефикасен кај Пеликанс.
Њујорк Никс минимално славеа над Орландо Меџик 105:103. Џулиус Рендел постигна 22 поени за Никс, додека кај Орландо се истакна Никола Вучевиќ со 25 поени и осум скока.
Победа запишаа и Портланд над Сан Антонио Спарс 125:117. Демијан Лилард мечот го заврши со 26 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Прв пораз за ПСЖ во Лига 1 – Ница освои три бода во Париз

Старо-новите шампиони на Франција, фудбалерите на ПСЖ, во 31.коло го доживеаја првиот пораз оваа сезона во Лига 1. „Светците“ во минатото коло ја одбранија титулата, па овој пораз на домашен терен и не е изненадување.
Тимот од Азурниот Брег направи изненадување во 31. коло, победи во Париз со 3:1.
Тренерот на ПСЖ Луис Енрике на „Паркот на принцовите“ го изведе најсилниот состав.
Морган Сансон ја доведе Ница во водство во 34. минута, а пред паузата домашните одговорија преку Фабијан Руиз.
Сансон повторно постигна гол веднаш на почетокот од второто полувреме, во 46. минута, а Јусуф Ндаџишимије најави големо изненадување во 70. минута.
ПСЖ нападна на крајот, но Марчин Булка се истакна, завршувајќи го натпреварот со двоцифрен број интервенции.
Парижаните се први со 78 бода, додека Ница ги задржува шансите за пласман во Лигата на шампионите и моментално е четврта со 54 бода.
Спорт
Олимпијакос го одбрани домашниот терен од Реал

Кошаркарите на Олимпијакос ја остварија втората победа во четвртфиналната серија од Евролигата против Реал Мадрид. Тимот од Пиреја победи со 77:71 (15:25, 23:13, 19:16, 20:17), па на Реал ќе му треба чудо за да се пласира на завршниот турнир.
Реал, за разлика од првиот меч, имаше шанси да направи брејк. Играчите на чус Матео водеа со 13 поени разлика во првиот период, кој го добија со 25.15. Олимпијакос се врати во натпреварот во втората четвртина, на полувреме резултатото беше 38:38.
Реал подобро влезе во третата четвртина, стекна предност од седум поени и тука застана. Олимпијакос од финишот на третата и првите четири минути во последната четвртина со серија 19:2, од -7 дојде до +10.
И повторно Реал успеа да фати приклучот, зонската одбрана им направи проблеми на домашните кошаркари, а реал предводен од Марио Хезоња се доближи на 67:64 на две минути до крајот.
Овој налет го одбија Алекс Питерс и Најџел Вилијамс-Гос со две тројки. Олимпијакос стекна предност од девет поени и тука беше крајот заРеал.
Стандардно, најефикасен кај Олимпијакос беше Саша Везенков со 22 поени, Еван Фурние одигра одлично и постигна 17 поени (9/10 од линијата за слободни фрлања). Единствен расположен кај Реал беше Хезоња со 22 поени и осум скока.
Следниот натпревар на програмата е во среда во Мадрид.
Спорт
Монако ја победи Барселона, победа го дели од настап на завршниот турнир

Кошаркарите на Монако поведоа со 2:0 во плејоф серијата против Барселона. Во вториот натпревар, кошаркарите на Монако победија со 92:79.
Ова беше уште еден дуел меѓу овие два тима, кој Монако го доби во своја корист и сега се само на една победа од пласман во новиот фајналфор од Евролигата.
Ова беше натпревар на Мамаду Жаите, кој го одигра можеби својот најдобар натпревар во Евролигата. Без промашување постигна 20 поени. Алфа Диало имаше еден поен повеќе, додека Џордан Лојд постигна 13 поени. Стразел постигна двоцифрен број поени со 12, додека Ели Окобо го заврши натпреварот со 11 поени и осум асистенции.
Мајк Џејмс не беше на негово ниво, постигна само пет поени.
Кај Барселона, Џабари Паркер имаше 16 поени и девет скока, додека Кевин Пантер постигна четири тројки и вкупно 14 поени.
И навистина, овој исход и овој резултат во серијата по два натпревари е неверојатен, бидејќи Барселона победи во двата натпревари во лигашкиот дел од Евролигата.
Во среда во Блауграна, Барселона ќе биде домаќин во третиот натпревар. .