САД се обидуваат да утврдат дали главниот оперативен командант на екстремната сунитска групација Исламска држава, Абу Омар ал-Шишани, или со вистинско име Тархан Батирашвили, е навистина убиен во неодамнешен воздушен напад насочен против него, соопштија ноќта кон средата американски извори.
 

САД се обидуваат да утврдат дали главниот оперативен командант на екстремната сунитска групација Исламска држава, Абу Омар ал-Шишани, или со вистинско име Тархан Батирашвили, е навистина убиен во неодамнешен воздушен напад насочен против него, соопштија ноќта кон средата американски извори.

Како што објави портпаролот на Пентагон, Питер Кук, операцијата била изведена на 4-ти март во областа на градот ал-Шаддад во сириската провинција Хасека, 612 километри од сириската престолнина Дамаск, на границата меѓу покраините Рака и Деир-ез-Зор. во областа се наоѓа големо нафтоносно поле кое е под контрола на Исламската држава од пред три години. Градот има стратешко значење бифејќи се наоѓа на автопатот кој го поврзува ирачкиот град Мосул како главна база на џихадистите.

„Веројатното елиминирање на Абу Омар ал-Шишани негативно ќе се одрази на способноста на Исламската држава да регрутира странски борци, особено од Чеченија и од Кавкаскиот регион, како и ќе ја намали можноста на Исламската држава да ги координира нападите врз своите утврдени позиции во областа Рака во Сирија и во Мосул во Ирак“, изјави Кук без да го прецизира исходот од воздушниот удар. Според него, во моментов се правата процени на резултатите од операцијата.

„Батирашвили е државјанин на Грузија кој извршувал многу високи воени позиции во Исламската држава, вклучително и позицијата ‘министер на војната’. Тој е висок командант на Исламската дражва и член на Шурата (советот – з.р.), чие седиште е во сириска Рака“, додал портпаролот на американското министерство за одбрана, пренесе агенцијата РИА.

„Во моментот на нападот Батирашвили бил испратен во ал-Шаддад за да ги зајакне милитантите на Исламската држава по серијата значајни стратешки порази коишто им ги нанесовме ние и локалните сили. Тие операции ги пресекоа можно“, прецизирал Кук.

Според него, Батирашвили лично водел единици на Исламската држава во борби во Ирак и во Сирија.

Портпаролот на Пентагон истакнал дека ал-Шипани е ставен на листата терористи кои се под санкции од страна на американското министерство за финансии. По него е распишана награда од пет милиони долари за информација којашто ќе помогне да биде елиминиран.

Претходно за американската телевизиска мрежа CNN неколку неименувани американски функционери, потврдиле дека Вашингтон ја проверува можноста за ликвидацијата на Омар ал-Шишани, чиј прекар всушност значи Омар Чеченот.

Роден 1986 година во Грузија, која во тој период уште беше во составот на поранешниот Советски сојуз, ал-Шишани важеше за многу близок воен советник на челникот на Исламската држава, Ирачанецот Абу Бакр ал-Багдади, кој често изјавувал пред приврзаниците дека е многу тесно поврзан со него.

Двајца американски функционери во изјави за CNN изразиле оптимизам поради нападот, но сепак истакнале дека исходот до нападот не е утврден, како ниту судбината на Шишани. Третиот функционер потврдил дека , Батирашвили бил цел на нападот.

Четврти американски функционер, кој исто така сакал да остане анонимен, за Reuters прецизирал дека цел на воздушниот удар било возилото со коешто се верува дека се превезувал ал-Шишани и тоа кога бил во него, одбивајќи да каже други поединости.

Претходно медиумите повеќепати известуваа за наводно ликвидирање или апсење, потсетува агенцијата РИА. Така во октомври минатата година сириски воен извори јавија дека тој наводно бил ликвидиран во Сирија. Извештаи за негово загинување неколкупати објавија и редица арапски медиуми./крај/мф/сн

Извор: Макфакс