Македонија
(Видео) Митровски: Јакимовски е опасен за околината
Адвокатот Јанаки Митровски, бранител на Драгана Јакимовска, која е екссопруга на обвинетиот Емил Јакимовски, по судењето кажа дека укинувањето на мерката притвор и бранењето од слобода би значело можност тој да го повтори делото.
„Аргументите на обвинетиот му беа дека треба да поведе работен спор па бараше укинување на мерката притвор. Тоа не е причина за укинување на мерката притвор”, посочи Митровски.
Тој смета дека обвинетиот Јакимовски е опасен за себе и околината.
„Една од причините за мерката притвор е можноста тој да го повтори делото или да го доврши тоа што го почнал. Тој е опасен за себе и околината”, додаде Митровски.
Во ќелијата на притворениот заканувач Емил Јакимовски при претрес бил пронајден мобилен телефон со СИМ-картичка, констатираше судијката Џанера Бегтовиќ на првото судење. За ова била известена од затворот „Скопје“ во Шуто Оризари. Вештак направил прихијатриско вештачење, а во заклучокот навел дека е способен да го следи судењето. Обвинителката Наташа Сарамандова побара вештакот да биде повикан на следното судење.
Емил Јакимовски се товари за вршење семејно насилство и загрозување на сигурноста со сериозна закана кон неговата поранешна сопруга, на која ѝ се заканувал дека ќе ја нападне неа, но и нејзиниот татко. Тој се товари и за закани упатени кон новинарката Мери Јордановска. Обвинителството соопшти дека Јакимовски преку мобилни апликации и пораки ѝ се заканувал на Јордановска дека ќе изврши кривично дело убиство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.